Searit (Eritrean Music)

ኣቤት ልቦና ኩሉ ብዓቕሊ ትጸርዮ

ተዓዊቱልኪ ክንደይ ከ ትኽእልዮ።

  ጠባይ ቁንጅና ግዝኣትኪ ኮይኑ ወኒንክዮ

  ተዓዊቱልኪ ኩሉ ተዓዲልክዮ።

ጸዋሪት ብፍቕሪ- ንኹሉ ትስዕሪ

ወናኒት/2/ ሃነን መሀነኒት።

  ንዕልቲ ሕማም ኩርምቲ

  ኣባኽስ ኮይና ምቅርቲ

  ዉዑይ ኣልቢጥኪ ተዝሕሊ

  ፍቕሪ ኣ`ራቢሕኪ ትመቕሊ

  ዝእግመኪ የለን ኩሉ ትኽእሊ።

ብርሃን ጸሓይ ንዒቑ - ድሙቕ ፍሽኽታኺ ልዕሊኡደሚቑ፡

መዓርፎ የ`ዒንቲ - ኩሉ ዝምነየኪ ናይ ዓለምና ሓንቲ።

   ኩሉ ሕሉፍ ጸገም ጉዕዞ ሂወተይ ዝሓለፍክዎ `ቲ ዝመረረ

   መድሕን ኴንኪ ብርሃን ናይ መገደይ ታሪኽ ጌርክዮ ከምዘይነበረ፡

   እምበር ከምዚ ድየ ኔረ ልበይ ብሓያል ፍቕርኺ ከይተሰዓረ።

   ሰዓሪት/2/ ንኹሉ ሰዓሪት ብፍቕሪ

     ድርብ

ብዘይ ዂናት ምስ ኩሉ ገጢምኪ - ትስዕርዮ ፍቕሪ`ንድዩ ቅልጽምኪ፡

ተሃንዲዱ ዝመጸ ብነድሪ - ተርግእዮ ብልዝብ ብምኽሪ።

   ፍቕረየ መግለጺ`ኮ ስኢነሉ ናትኪ ነገር፡

   ውድእቲ ካብ ፈጣሪ ተዓዲልኪ ብዘይ ኣበር።

ብዘይ ኣበር ኣምላኽ ዶኲኒኪ ስጥምጥም ብግብሪ

ተጋጢሙ ኮኾበይ ኮኾብኪ ግጥምጥም ብፍቕሪ

ጽልኢ ትጽየፊ - ብይቕረ ትሓልፊ - ሰንፈላል ልቢ ተዕርፊ።

ፍቕረየ መግለጺ`ኮ ስኢነሉ ናትኪ ነገር፡

ውድእቲ ካብ ፈጣሪ ተዓዲልኪ ብዘይ ኣበር።

ኩሉ ሰናይ ምሳኺ ጥራይ

ኩሉምሉ ምሳኺ ጥራይ

ኩሉ ኣብ ኩሉ ምሳኺ ጥራይ።

   መን ኣሎ ድዩ ከማይ ዝጠዓሞ - ከማኺ ጓል ሄዋን ዘጋጠሞ

   ፍቕሪ ሂብኪ ፍቕሪ ትቕበሊ - ኣራቢሕኪ ሽሻይ ተማቕሊ

ፍቕረየ መግለጺ`ኮ ስኢነሉ ናትኪ ነገር፡

ውድእቲ ካብ ፈጣሪ ተዓዲልኪ ብዘይ ኣበር።

   ፍቕርኺ መሊኡ ዘንጀርብብ - ብሓቂ ሓቂ`ወ

   ከማኺ ድሌተይ ዝነብብ - ኣበይ ከ ክትረክብ።

ፍቕርኺ ጥዒመ - ኣነስ ተገሪመ - ኮኾብ ሰማይ ተሸሊመ።

  ፍቕረየ መግለጺ`ኮ ስኢነሉ ናትኪ ነገር፡

  ውድእቲ ካብ ፈጣሪ ተዓዲልኪ ብዘይ ኣበር።

ኩሉ ሰናይ ምሳኺ ጥራይ

ኩሉምሉ ምሳኺ ጥራይ

ኩሉ ኣብ ኩሉ ምሳኺ ጥራይ።