خيط شمس (feat. nasam)

كانت ايدي باردة اجا خيط شمس

تنقل بين اصابيعي صلوات خمس

دغدغ شعيراتي كمرور رمش

البنت اللي بعشقها فوق خدودي

كانت ايدي باردة اجا خيط شمس

تنقل بين اصابيعي صلوات خمس

دغدغ شعيراتي كمرور رمش

البنت اللي بعشقها فوق خدودي

آخر يوم بالصيف مش مفهوم بعد

ناوي يظل زيت أو حيهوج بحر

آخر يوم بالصيف ابتهاج حذر

عشط المتوسط جيت

وازن شكوكي بالرواق

وهالمرة باختلاسي لحظة ارتخاء

مش حقول سراق مش حوبخ نفسي

بيطلعلي بستحق شاغل شغلي وشغل غيري

آخر يوم بالصيف تنكة مش فنجان

في عاصفة بعيني

وينن وانا ويني

أحلام صارت ذكرى وبس بتودع بيروت

تطوي كل صفحة بايامك باب التابوت

آخر ايام الصيفية

بتشبه لبيوت رمادية

متل صوت فيروز

هني ولاد شاطئ نحن ولاد نيروز

براسي صوت عصفور

بحبسن راس عصفور

يؤكل راس عصفور

على غدا عفطور بمشي بثقة عصخور

عالصعوبة مفطور

عوتر مشدود متل وجه موشوم

لإمام معصوم عضهر مخمور على شاطئ صور

بس كول

نقاب وسترينغ بطيخ بيفوش

هذا الSea is for me

بحط البحر حبة بكاسة بيفور

متل الحب بشعر سعدي كاسي بيدور

جايي الشتا جايي وما في مطرح للفتور

لاطيلك من فصول

أنا مونتي جاهزة نيابي بارزة

واذا مفكر عم ابتسم

بدك تاخد جايزة

آخر يوم بالصيف خير بشر متخبي

لما خلق كولتراين لما مات المتنبي

سبحانه كبر حسن أصغر مخلوقاته بقلبي

للوجع بعرف مليون وجه وإسم

سبحانه شرد ذهني عن نازلات الدهر

عن انتظار المهدي أو توسل المعتصم

أنا الدايما المنتصر

أنا الوجود المنتظم

بعدني بعرف انجذب بالشمس

بعدني بعرف انخذل من ناس

بعدني بعرف انبهر من بحر

وعهالقدرة عالاحساس

بقول الحمد لله

بعدني بعرف سبح خالق النجوم

بعدني بعرف احضر فلم فوق الغيوم

بعدني بعرف اسمع صوته للمكان

حس بالانتماء وعهالقدرة عالاصغاء بقول

الحمد لله

تبارك الله

كانت ايدي باردة اجا خيط شمس

تنقل بين اصابيعي صلوات خمس

دغدغ شعيراتي كمرور رمش

البنت اللي بعشقها فوق خدودي

كانت ايدي باردة اجا خيط شمس

تنقل بين اصابيعي صلوات خمس

دغدغ شعيراتي كمرور رمش

البنت اللي بعشقها فوق خدودي