Taiwanese Imperial Serviceman

告別家鄉的新娘仔 眠床猶未睏燒就來起行 厝內的田地三甲外 六月燒熱只賰老爸割稻仔 火車行到伊都丟丟銅仔 半線搬車開往打狗城 打狗港邊人密密 漢人高砂 南來北往的船隻 嗚 問船夫 一支太陽旗飛過偌遠的海洋 嗚 一欉香 無細膩踏入時代的漂流 皇民戰士大軍伕 做伙來去南洋起大厝 紅紅的日頭曝身軀 故鄉的平安符 遙遠的媽祖娘 皇民戰士大軍伕 鮮鮮的血水流遍太平洋 紅紅的日頭毋認輸 歐洲亞洲攏佇咧沐沐泅 天頂的炮彈逐工射 人的生死攏是天註定 無米通食的番薯仔囝 一暝睏醒敢就會無性命 嗚 問船夫 一場戰事需要偌濟的理由 嗚 一欉香 夜夜夢著母親的彼雙手 皇民戰士大軍伕 做伙來去南洋起大厝 紅紅的日頭曝身軀 故鄉的平安符 遙遠的媽祖娘 皇民戰士大軍伕 鮮鮮的血水流遍太平洋 紅紅的日頭毋認輸 歐洲亞洲攏佇咧沐沐泅 皇民戰士大軍伕 賰無幾个人平安轉到厝 活落去的罪孽縛身軀 人來問起心肝結規毬 皇民戰士大軍伕 孤單的亡魂留咧太平洋 鹹鹹的思念寄月娘 行向戰場敢攏真正有冤仇