Firêm Mede - فڕێم مەدە

فڕێم مەدە من یاری تۆم

لە ناخۆشی و دەردەکان من چاری تۆم!

فڕێم مەدە من چاوی تۆم!

گەر بزر بووی بۆت دەبمە ڕێ

گەر ئاوت ویست بۆت دەبمە زێ

بێتاقەت بیت بۆت دەبمە ژێ

بۆت دەبمە کێ تۆ بتەوێ، بەس بتەوێ، بەس بتەوێ

تەنیا تکام فڕێم مەدە، من یاری تۆم

لە وەرزە سەختەکاندا من بەهاری تۆم!

ئایا بێ مروەتم؟ بێ منەتم؟ وەفام نیە؟

کەم لەگەڵتم جەفام هەیە، سەفام نیە؟

بیرت بێتەوە و بگەڕێ وە

من هێلانە و هەم دیاری تۆم

هەم هەواری تۆم!

بیرت چووە ئێوارانێ وەکوو سێبەر شوێنم دەکەوتی!

بیرت بێتەوە ئەو جێگایەی تەنیا لەوێ دەستم دەکەوتی!

فڕێم مەدە ڕۆژێک دادێ

وەک لەناو زبڵ بە دوای پاکەتی دەرمانێک فڕێت دابێ

دی دەگەڕی بە دوای مندا

منێک کە دەردەداری تۆم.