Турий ден мутланымаш

Изи турий кавашке пыл помышыш кӱза

Кӱшычын торашке пеш тудын мурыжо йоҥга

Кумда-кумда пасушто огеш кой нигӧат

Мурызо турий тый кӧлан мурет тынар

Пундашдыме кавам шинчам дене рончалын

Турийым кычалам, лач йӱкшым вел колам

Ом вашке ик жаплан колыштам шогалын,

лыплана чонем

Турийын сылне семже ден

Корнывожышто шоген ончен мый шкетын кодым

Тый кайышыч тораш, мотор кугу олаш, арам тыйым кучаш

Кидетым веле рӱзалтен, «чеверын, сай код» - маньыч

Могай гын пӱрымаш анят вашкен мондаш, ала шарнен вучаш, ала шарнен вучаш, шарнен вучен илаш

Турий дене пырля мыят кӱзем кавашке,

Кӱшыч ончалам, пасум ужам, пеледше олыкым ужам

Йочамодыш гае шинча мемнан ялна,

Куткыла лач койыт еҥ-влак, кычалыт мом ала?

Куткыла куржталыт койыт, куткыла куржталыт койыт еҥ-влак,

Куткыла куржталыт койыт, куткыла куржталыт койыт еҥ-влак.

Мый тылат ойлем кушеч турийын муржо

Ты кава канде деч, лӱҥгалтше шурно деч

Тый муро шертеммеш, яндар йукан сур кайык,

Пашаче калыклан, йоча-влаклан, рвезе-ӱдыр-шамычлан

Корнывожышто шоген ончен мый шкетын кодым

Тый кайышыч тораш, мотор кугу олаш, арам тыйым кучаш

Кидетым веле рӱзалтен, «чеверын, сай код» - маньыч

Могай гын пӱрымаш анят вашкен мондаш, ала шарнен вучаш, ала шарнен вучаш, шарнен вучен илаш

Изи турий кавашке пыл помышыш кӱза

Кӱшычын торашке пеш тудын мурыжо йонга,

Тудын мурыжо йонга, тудын мурыжо йонга, тудын мурыжо йонга.