Кажне кечын

Ик кастен толам кунам

Шкет вучет я огыт шергакан унам

Кушко йомо кӱрльӧ омо

Тый кержалтыч шӱйышкем

Кок шинча вашлие лие

Йот еҥ омыл, тамле сомыл

Умыр водын лач мемнан

Тӧрштена шижмашым ерыш шерыш

Кажне кечын

Илена вашлийме верчын

Чылт ок лий каяш тушечын

Кушто сото шокшо кече

Кажне кечын

Лийже кеч могай игече

Ит коранг таҥет воктечын

Темже поро ден сурт пече.

Чон шижеш, ӱжеш пелен лияш

Тат моткочак кӱчык. Ах, кузе шуяш?

Шокшо шӱлыш, тыйе илыш

Ырыктет да ылыжтет

Шӱм йӱкетым кольым. Тольым!

Тый ит шоно, кончыш омо

Ынде ом кай нигушкат

Пелашет лиям… кодам… Йодам!

Кажне кечын

Илена вашлийме верчын

Чылт ок лий каяш тушечын

Кушто сото шокшо кече

Кажне кечын

Лийже кеч могай игече

Ит коранг таҥет воктечын

Темже поро ден сурт пече.