بنية يوم ما شفتها وقعت في غرامها
حاولت ألفت نظرها أو ألقى اهتمامها
عاينت في عيونها واتمنيت اسمع كلامها
سحرتني بي جمالها بأحلى ابتسامة
قلت امشي ليها احكي عن مشاعري
احكي عن إعجابي والحاسي بيهو في صدري
ولما وصلت ليها سلمت انا عليها
وردت بابتسامة ومدت لي يديها
وحسيت بي قلبي دقائق لمن عيني جات في عينيها نسيت كل ألفي راسي والداير اقولو فيها
سرحت في عيونها لقيتها آية من الجمال
لقيت أخلاقها عالية ولقيت فيها الدلال
لقيت فيها البحبو والدايرو من خصال
حبيتها خلاص هويتها و بنيت انا الآمال
بفكر ليلى كلو في حبها ما بنوم
وأدعو اقول يا الله يا ربي لي تدوم
بهديك كلمات الحب اخاف انها تخذلني
أحاول اربط كلامي اللهفة ليك تشغلني
بحبك يا حياتي وما تسألي عن دليل
عمرك في يوم سمعتي رصاص سأل القفير
فى قلبى وفي صدري هواك لو غبتي بشتاق لي لقاك ياحبي ما في زولن سواك بتمنى اعيش حياتي معاك
ياغيمة في عز النهار
يا نايرة زي قمر العشا
ذكراك في نبض الوريد جوة القلب بتحسسها
تلقيني ديمة بهاتي بيك بدري الصباح وآخر المسأ واشواقي تمشي مع النسيم
والكلمة ليك انا بهمسها
وبحن ليك زي الطيور الراجعة في ساعة المغيب
ما انتي حنية و ديار لي اي زول عايش غريب
ومستحيل حألقى زيك يا حبيبتي في البشر
حسنك فات الناس حسنك فات القمر
وحبي ليك رماني في بحر المتيمين
بس ايه اقدر اقول غير الله الله يعين
يا حلوة انتي نور حياتي
بريد عويناتك وحاتك زي زي غريق ادوهو عمرو بلقى جوات نفسو ذاتك
عرفتي كيف بعزك كيف ليك بشتاق
والله يا حياتي الدنيا غيرك ما بتنطاق
قدر النجوم بحبك
قدر الغيوم بحبك
في كل يوم احبك
بصحى و بنوم بي حبك
في قلبي و في صدري هواك. لو غبتي بشتاق لي لقاك
يا حبي ما في زولن سواك بتمنى اعيش حياتي معاك
