Maa Nafsi

بتكلم مع نفسي كتير

عن نفسي وبشوق كبير

بوحشني وكمان بغير

على نفسي بغير ..

وباخدني برا الحدود

بهرب بطير .. من غير حدود

بجمع وعود .. بزرع ورود

ماشفتهاش بين الوجود

انا اللي باقيلي في الزمان

انا المشاعر والأمان

انا الخطاوي والمكان

انا اللي كان ..

يرسم على وش القمر

نور .. وسهر

عشان حبايب اختفوا

وصحاب من الصحبة اكتفوا

كانوا سراب ..

عشان كده قفلت باب

وفتحت باب ..

لنفسي بس من غير عذاب

ولا حد راح .. ولا حد غاب

بتخيل مع نفسي ساعات

وتعدي ف دماغي حاجات

من ماضي بيقولوا فات

ولا عمره فات الا ف حالات :

حالة هروب .. حالة غياب

زي الغروب .. زي الضباب

زي السراب ..

حالة غياب عن اسئلة

ملهاش جواب

انا اللي مشاعري في العموم

كانت عذابي ف كل يوم

انا اللي كان وسط الهموم

مايشوفش نوم

واتعب عشان ارضي القريب

كنت الحبيب ..

اللي ملوش فعلاً حبيب

ولا له من الطيب نصيب

وادي النصيب ..

عشان كده قفلت باب

وفتحت باب ..

لنفسي بس من غير عذاب

ولا حد راح .. ولا حد غاب