Bakı

Mavi nəğmələr deyər mavi Xəzərim

Tozlu dodaqlarını öpər şəhərin

İşıqlı axşamların, nurlu səhərin

Baxıb sənə deyərəm – "öz anam Bakı"

Nağıl kimi həzin olur aylı gecələr

Xəzərə hər baxanda mən gözlərim gülər

Hara getsəm, sənin adın qəlbimdə gedər

Hara getsəm, bu ürəyim sevgini bəslər

Durna kimi köçəndə buradan gəmilər

Dalğalar səndən mənə danışar nələr

Ən uzaq ölkələrdə yuxuma gələr

Anam kimi sevimli, mehriban Bakı

Nağıl kimi həzin olur aylı gecələr

Xəzərə hər baxanda mən gözlərim gülər

Hara getsəm, sənin adın qəlbimdə gedər

Hara getsəm, bu ürəyim sevgini bəslər

Ey əziz diyar

Mehriban Bakı

Ey əziz diyar

Mehriban Bakı