Арбалып арзууларга багынып
Ансайын көргүм келет сагынып
Ар качан карайм сенин жолуңду
Алдымдан чыгабы деп жаңылып
Ай асманда, жарык чачканда
Мен сага барам сүйүүм толкуп ташканда
Жаз көктөмдө, жарык өчкөндө
Жолуккум келет сиз менен жамгыр төккөндө.
Жолугуп айткым келди бар сырды
Жоругу мени өндөн азгырды
Шылтоолоп койгом анда жөн эле
Келе бер күто бербей жамгырды
Ак жамгыр төгүп жатты тамчылап
Сезимдер сени көздөй талпынат
Баратам кол чатырдын астында
Бул күндү күткөм менда канча убак
