Du Wirsch Gseh

Ich will gseh wie dini Träum in Erfüllig gönd

Lah sie wachse wie d’Bäum wo uf de Wiese stönd

Heb a ihne fest, gibene Ziit

Du bruchsch nur e chli Vertraue i dich

Und dänn wirsch du gseh, wie dini Wünsch sich erfülle chönd

Dini Tate alli Zwiifler verstumme lönd

Alles was es brucht isch e chli Ziit

Und vor allem gnueg vertraue i dich

Du wirsch gseh, au die grösste Plän started nur mitre Idee

Und wänn sie häsch dänn heb sie fest sie cha der niemer näh

Und wänns der säged es lohnt sich nöd verfolg sie umso meh

Und klappeds nöd dänn gits no Plan B

Aber fang ah, besser hüt als morn will es chan no lang gah

Guet Ding bruucht sini Ziit chasch es nöd über Nacht ha

Mach di startklar will wänns um dini Sach gaht

Chasch nöd uf de fuule Huut lige wie en Pascha

Und stopp nöd unterwägs vilicht bisch ja scho fasch deht

Churz vorem Ziel es chunt mängisch überraschend

Du wirsch belohnt für dini Müeh und dini Tate

Ich chan de Tag nöd erwarte

S’isch Klar es lauft nöd immer nur rund

Mängisch wirsch gschüttled ohni Grund

Sie wänd di prügle winen Hund

Und wänd di stoppe, drum

Mach dis Ding und en Boge um sie

Lah sie stah ziehn a ihne verbii

Ich will gseh wie dini Träum in Erfüllig gönd

Lah sie wachse wie d’Bäum wo uf de Wiese stönd

Heb a ihne fest, gibene Ziit

Du bruchsch nur e chli Vertraue i dich

Und dänn wirsch du gseh, wie dini Wünsch sich erfülle chönd

Dini Tate alli Zwiifler verstumme lönd

Alles was es brucht isch e chli Ziit

Und vor allem gnueg vertraue i dich

Aso bliib dra, lah di nöd knicke vom Läbe, bliib grad

Lah di nöd kicke wie en Ball i de 5. Liga

S’isch klar du wirsch im Läbe nie für alles Ziit ha

Mit öpis Neuem azfange isch es aber nie z’spat

S’isch seltsam, aber vieles fangt mit em Ziel a

Mängisch muesch en umwäg näh, es gaht nöd immer pfiilgrad

Du chasch der s’Glück nöd chaufe will es hät kein Priis dra

S’isch aber au nöd gratis, es brucht din eigne Biitrag

S’isch mer gliich wer findt das seg jetz zu naiv da

Ich tuen nöd so als wüssti d’Zuekunft wie Mike Shiva

Schriibe nur paar positivi Wort trotz ruchem Klima

Aso los jetz wie das Lied gaht

Ich will gseh wie dini Träum in Erfüllig gönd

Lah sie wachse wie d’Bäum wo uf de Wiese stönd

Heb a ihne fest, gibene Ziit

Du bruchsch nur e chli Vertraue i dich

Und dänn wirsch du gseh, wie dini Wünsch sich erfülle chönd

Dini Tate alli Zwiifler verstumme lönd

Alles was es brucht isch e chli Ziit

Und vor allem gnueg vertraue i dich