Apré an Tan

Apré an tan

Lè man té toupiti man té la rété lakanpàn

Anba an pié zoranj-si an tet an mòn kay la té yé

Lè lapli-a té ka tonbé anlè tol la sa té ka fè’w dòmi

Mé wi an tan-tala m’pa té konnet désann anvil

Sé té lakay Mames manman-mwen té ka fè krédi

An ti débi dè la réji ki té toupré lot koté chimen-an

Mé aprézan tou sa chanjé manmay-la kité sa tonbé

Lavi lakanpàn la fini tou sa vini modernizé

Ay pran mango jwé anba lapli ay pran kann bitasion bétjé

Plati kapsil pou fè yoyo manmay mé pani sa ankò

###################

Lè pa té ni lékol sé anba bwa-a an té ka rété

Désann bò lariviè péché yonn-dé ti kakado

Pran dé ti dous kalibandjo jwé zwel séré épi sé manmay-la

Mé wi an tan-tala m'pa té konnet achté kado

Lè nou té bizwen jwé nou té ka konstwi tout joué-nou

Adan lakou Man Lèlèt-la nou té ka jwé agat tout la journé

Fè loto-bwa fè twotinet manmay-la kité sa tonbé

Menm konba kok épi foujè mésié tou sa pasé pa may

Tiré chaspo dèyè jibié fé servolan é chardas*o

Fè balansin an pié mango mété dé bwa dan woul loto

####################

Zot ka sonjé an tan-tala mod sa té bel pou nou té jwé

Nou pa té bizwen dépansé ayen é nou té bien kontan

Lavi-a vin élektrizé tout bagay enfowmatizé

Sé ordinatè ki ka mennen fè débouya pou’w pa rété dèyè ouwo

####################

Lè man té ti-manmay