فولكينو - إلى الحفيد Ep3

كل مالو الوقت عم يضيع.وقبالو المقت عم يشيع. قد ما خططت ونسقت اختنقت بمشنقة القطيع. بعمرك في عقد الربيع مصيرو الوقد السريع. إذا مضى منك بسعيك حتى ترضي هرطقت الجميع. كب اللي مسرطن ع حياتك والمستهلك لنفسيتك. قدس نفسك لما تقدس غيرا بتهلك بقدسيتك. ما تكون كبش المحرقة تعطين عطبق فضة اضمحلاك ترا خسارة المحبطين مكسبك فهرن من غربالك. ولاتضيع عمر بطولو عوجهة نظرن وشو بقولو واللي كسر مجاديفك بصولو وجولو احرقلو اسطولو ضلك ايجابي وهمن بطابع سلبي وخلي زنودك صلبة ونكتة وسلبة معن ضربة و ما تنسى من كاسك ولا شربة محيطك مصلحجي وقذر لا تضيع بنفاقن عمر ما بيقوا قلبك اذا ما انفطر عرقك لي بكسّب مو العطر سقف طموحك علي عواميدو من دون فلك ومنجمين وقتك ثمين بدو موازين سيروتونين مع دوبامين بطموح عقلك الفرصة صيد بجموح نفسك خليك عتيد بوضوح فكك بيت القصيد مايروح فكرك الا لبعيد ليلك رح ينجلي.قيدك رح ينكسر عرشك هوي الشارع لا تتخبى بسور القصر.نقطة عالسطر عبيت أفكاري بسلك مساري بأساساتو بينحكم داري مابخوض مباراة مافيا منصف إذا بوسخنة الحكم داري مابعتّب محاكم قضائا سلعة منباعة وأنا بالحُكم داري ما بيتمكيج تاريخ شعب بما مضى جلموق للحكمداري لذلك دعك من انتقادن أحقادن أكتر من أمجادن ولادن بزقة عهيك معادن أمراضن أكتر من أنقاضن وعربيدن هوي عغيدن كلاب أميرن سهل ترويضن قريباً رح يعوو مع سيدن ذلن بعاداتن وتقاليدن طابور خامس واعتباطي ومطمش عن نبراس الحق مجرور خافس وانحطاطي ومعشعش جوا راسو الشق مخدور وطامس بديموقراطي أجحش من عصر عبيد ورق ما بعيبو خنوع وبوس ولعق خدشت حيائو الشتيمة دق عالخشب وحوطو من العين مبهبطة عليه عباية الدين فيران طحين مافي حلة مع أمثالن ترا ولا بوساطة صين زنخين لدرجة إذا ماتو بشيع اشلائن بعلب سردين سبحان العملن (مستر بين) عميكس بين (بن لادن) و (لينين). حربي لحالي خارج حربن سريالي مالي بمناهج سربن رياضة عقلي اعتزلت جمعن مع تقسيمن طرحن وضربن ومما سبق اشربا بالملعقة. ما بيجتمعو كرامة وزندقة. ياحبيبي حفارة قبرك دخلتك معن بهالبوتقة. بطموح عقلك الفرصة صيد بجموح نفسك خليك عتيد بوضوح فكك بيت القصيد مايروح فكرك الا لبعيد ليلك رح ينجلي.قيدك رح ينكسر عرشك هوي الشارع لا تتخبى بسور القصر.نقطة عالسطر