حبل العشم

أسئلة نص الليل ملهاش اجابة منطقية

بطل تناقض مش هنعيشها بإذدواجية

اديني حكيت لمرايتي ومستفدتش حاجة

فين الصح اكيد مش كل الناس كدابة

دنيا واسعة متغطية بالرماد

محدش سامع بشكي حالي للجدران

كل يوم بشم ريحة فشلي في الجدران

لا مني وصلت بدري ولا بحارب ع البقاء

فوق لنفسك اللي باقي مش كتير

نمت نص ساعة صحيت على التلاتين

شبه بعض بس الباطن مش بخير

نقط ضعف كله باطل كله زيف

السما بعيدة عنك مهما تشب مش هتطول

انت عارف كل حاجة عنها ليه بتخاف تقول

جواك صراع بالفطرة حابب تبقى مش مسئول

حابب تفضل دور ضحية حابب ترمي ع الظروف

اسأل نفسك تاني ليه الرؤية اغمقت

رفضت تصدق و استكبرت انك تستنجد

حبل العشم انت تشد وهو يرخي

سم العسل مش بيموت ولا بيحلي

ربع قرن ضاع في العشم و السلبية

سما وارض بين العجز و الحرية

مفيش ايد توجعني طول ماروحي فيا ساكنة

نفس المسكن اللي بتقنع بيه سذاجتك

تحريف معاني الكلمة في نفس الوقت دي لعبتي

مبوزعش بالمجان حبك ليا مش قصتي

تحريف حقايق لحظي ربع ساعة و بيختفي

شفت ازاي همومك رجعة تصحى لما كاسك فضي

مش بعجز مخك انا بشغلهولك

شغلانتي صعبة متقدرش عليها بطولك

سهل تبقى ترس في الة جزء تابع للعشيرة

صعب تبقى ديلر فكرة صعب تكون فرنزي شيفا

حبت عيني الزايغة في اول لحظة بينا

زي غيرها و غيرها احلى منها سنة

لسه صغير بس عقلي اكبر سنا

قررت اسيبها قبل ماشوفها في يوم مملة

اسأل نفسك تاني ليه الرؤية اغمقت

رفضت تصدق و استكبرت انك تستنجد

حبل العشم انت تشد وهو يرخي

سم العسل مش بيموت ولا بيحلي