Daahee Maya

दुलही: इर्ष्यामा साह्रै जल्ने येशू तिम्रो हृदय रहेछ

अरू प्रेमीसगं देख्दा मलाई, छटपटाउदै बेदनामा

पोल्ने तिम्रो हृदय रहेछ हो, बोल्ने तिम्रो हेराई रहेछ

येशू: डाही माया गर्छु म त, जल्छ मुटू तिम्रो मायाले,

चोट सहे मैले, ज्यानै दिए, अनन्तलाई आफ्नो बनाउन

संसारबाट रोजे तिमीलाई हो, भीड़ माझ खोजे तिमीलाई

दुलही: म त माया गर्छु, तिमी बिना मर्छु येशू;

अंगालोमा लेऊ मलाई, तिम्रो माया देऊ मलाई

येशू: धेरै जना बीच बाड़िएको मुटू तिम्रो

कसो गरी दिने मलाई? भई दिएछु म त पराई

दुलही: फ्यातुलो भो अंगालो, बाँधी दिने कसो गरेर?

येशू: मलाई मात्र सजाई देऊ, तिम्रो सारा हृदय भरेर।

येशू: कर कापमा होइन, बाध्यता नि छैन सुन

आराधना हो यो रोजाई, प्यासी जीवनको खोजाई

दुलही: सबै छोड़ी आउछु, चोखो माया लाउछुँ अब

सहायता गर्नोस् मलाई, अनुग्रहले भर्नोस् मलाई

येशू: मंगनी गर्छु तिमीलाई, आत्माको औठी दिएर

दुलही: हजुरलाई पर्खन्छु म, मायाको दियो बालेर।