'Nnammurata a metà

Quanta cose aggia fa

Pe me piglià 'stu bene?

Pe te putè abbraccià

'Nu poco chiù d'ajere?

St'ammore nun dà riesto

Se porta 'o tiempo appriesso

E fa aspettá

Ca forse nun è chesta 'a verità

'Nnammurata a metà

I' nun avevo chiesto

Comme se po' sunnà

'Na vita comm'è chesta?

M'hê saputo piglià

M'hê saputo 'mbruglià

Cu st'uocchie oneste

L'hê fatto parè 'o sole

Invece era tempesta

St'ammore è fernuto

O nun c'è maje stato

Si nun putevo vencere

Pecché t'aggio 'ncuntrato?

Che scema so' stata

Che t'aggio creduto

Cu te vulevo crescere

Ma comme aggio sbagliato

E te ne vaje accussì

Senza me fa capì

Si m'hê vuluto bene

O è tutta 'na buscia

Ma che me vuò cuntà?

Sempe 'e stessi prumesse

'E cose hanna cagnà

Ma po so' sempe 'e stesse

Nun pozzo suppurtà

'O tiempo nun c'aspetta

'O vuò capì?

Tu pienza a turnà a casa

I' penzo 'a vita mia

St'ammore è fernuto

O nun c'è maje stato

Si nun putevo vencere

Pecché t'aggio 'ncuntrato?

Che scema so' stata

Che t'aggio creduto

Cu' te vulevo crescere

Ma comme aggio sbagliato

E mo vattenne, va'

Che ne parlammo a fa?

I' scema resto ccà

'Nnammurata a metà

I' scema resto ccà

'Nnammurata a metà