خدني ع بلدي

شوية صور وشوية أخبار من بلدي كومة هدايا حلوة ملفوفة بذكريات نصيحة من أبوي ودعوة من قلب أمي وكمشة حنيّة من ستّي بتسوى الحياة لون السما ببلادي غير صوت المطر حتى الهوا والله غير بيروحوا ناس وبييجوا ناس وبتبقى أنت يا بلد بقلبي غير خدني معك ع بلدي مشيني بين الحارات احميني من غربة عمر وازرع فيي الحياة خليني بشوارعها أكبر وبسحر قمرها أسهر والله ما راح بتأخر بس خدني معاك نظرة أمل، نظرة خجل بعيون الحب الأول زفة عرس، لمّة جارات ع دلة قهوة حلوة رن الجرس، فرحة طفل بلّش بصف الأول ريحة ترابك يا بلد من بعد أول شتوة نجوم السّما تِبعت سلام ورق الشجر، عطر الورد، طير الحمام بيقولوا ناس وبيحكوا ناس ما بيوفي حقك يا بلد أيا كلام خدني معك ع بلدي رجعلي أيام زمان اسرق مني الوقت وارميني ع بر الأمان اعطيني من بلدي الحنين، اعطيني خبزة زيت وزعتر والله ما بدي أكتر بس خدني معاك خدني معك ع بلدي نسيني كل اللي راح لو مرة بس شوف البلد خلي القلب يرتاح طعميني من أرضنا تين ومن سهلنا لوز وأخضر والله ما راح بتأخر بس خدني معاك