Kaddarata

Idan babu ke babu ni rayuwata

Ke kadai nake kira da kaddara ta

Idan babu kai babu ni rayuwata

Kai kadai nake kira da kaddara ta

Idan ance zo mu zauna mu rayu tare

Dole sai da zo mu saba

Duk inda kaji anyi buda akwai amare

Dole kwalliya a caba

Kalaman da su sa masoyiya hawaye

Zatazo a so ta saba

Naji na gani a so zamu rayu tare

Tunda ni dake na saba kaddarata

Ka taso gareni zo taho mu dauki hoto

Tunda dai an baka ni

Kawaye suna fadin hakan kawai na matsu

Duk su barmu ni dakai

A raina da zuci kai nake yin ambato

Kar da kayi nisa dani

Zani bika ko ina zamu tare

Tunda ni daki na saba kaddarata

Kin san babu wanda zaya kaiki a gurina

Sonki ni na fara

Sannan duk ilahirin samarin a ganina

Na ishe su kar su fara

Ace ko guda da zaya biki a sanina

Baki sauraron batunsa

Na riga da sani zuciya tana so

Ke nake gani a littafin kaddarata

Inama ace abani dama ko da wasa

Ni kadai na malleke ka

Ace duk abinda rai da ruhi suka kunsa

Zani bayyanar gareka

Da kamshinka zani gane kaine ko ba ido ba

Na riga da na waye ka

Da anga naci kwalliya na sa turare

Ba abinda za'ace sai wajenka zani

Idan babu kai babu ni rayuwata

Kai kadai nake kira da kaddara ta