Kalye (feat. Yosha)

Nalimutan mo na ba?

Ang lahat ng nangyari

Nalimutan mo na ba?

Ang kwento ng kalye

Nalimutan mo na ba?

Ang lahat ng sinabi

Nalimutan mo na ba?

Ang kwento ng kalye

Iba't ibang tao

Iba't ibang araw

Ang aking nakikita at siyang nakakaulayaw

Simula sa pagsikat hanggang sa pagpanaw ng liwanag

At hanggang sa muli pa n'yang pagdalaw

Sari-sari ang mga naglalakbay at dumaraan

Kahit na ika'y nakasakay o kapapara lang

Para lang bulong ng hangin na tuloy-tuloy

Mabaho man o mabango palagi mong maaamoy

Usad na 'di palangoy

Tawa man o panaghoy

Lahat tayo'y mababasa o mapapaso sa apoy

Dahil ako ang s'yang daan

Kahit buo kong pangalan ay kinatatamarang sambitin

Madiin, marating, tawirin, tiisin

Kung ayaw mo sa'kin, sige, piliin kung alin

Naaalala mo ba ang mga 'storya ng kalsada

Pihitin pabalik ang pahina ng kabanata

Nalimutan mo na ba?

Kung ilan ang sumali

Nalimutan mo na ba?

Ang kwento ng kalye

Nalimutan mo na ba?

Ang lahat ng nangyari

Nalimutan mo na ba?

Ang kwento ng kalye

Aling Celia ang pangalan

Lumuwas papuntang Quiapo

Sumakay ng bus sa may Cubao nang may dumapo

Daw na paru-paro sa balikat, 'yun ang akala

Inipong pera'y nawala kasama ng pitaka

S'ya si Melody, pauwi na galing pang Estrella

Inabot ng hating-gabi, proyekto sa eskuwela

Kailangang tumawid sa eskinita sa Manuela

Sa kasamaang palad, 'di na nakita ang dalaga

Madilim, kasulok-sulukan sa may Boni

'Di na nagugutom ang batang lansangan na si Rolly

Pero 'di s'ya nabusog sa tinapay o pansit

Manhid lamang dahil sumisinghot s'ya ng pandikit

Napiit kahit na 'di ito selda sa Bilibid

Araw-araw napakaraming tao ang naiipit

'Yan lamang ang ilan sa mga 'storya ng kalsada

Pihitin pabalik ang pahina ng kabanata

Nalimutan mo na ba?

Ang lahat ng nangyari

Naliimutan mo na ba?

Ang kwento ng kalye

Nalimutan mo na ba?

Ang lahat ng sinabi

Nalimutan mo na ba?

Ang kwento ng kalye

Galit, reklamo, angal, asar

Init, pahid, pawis, dasal

Tila 'di marating ang tinatanaw na lugar

Napakabagal ng pag-usad parang lakad sa kasal

Pero minsan ang daan na ito'y nagsilbing

Kasagutan sa milyong-milyong hinihinging hiling

Malakas na narinig bulong na nakakabinging

Hinaing na gumising sa ginigising na gising

Pinatunayan sa mundo na totoo ang pagkakaisa

Mas makapangyarihan ang awa't malasakit sa

Kapwa laban sa baril o kahit na tangke

At tapang na katulad na pinagsama-samang kape

Ang kadilima'y napukaw ng bulaklak na sandata

Dahil mas tumatagos ang pagamamahal kesa bala

Pihitin pabalik ang pahina ng kabanata

At huwag mong kalilimutan ang 'storya ng kalsada

Nalimutan mo na ba?

Ang lahat ng sinabi

Nalimutan mo na ba?

Ang kwento, ang kwento ng kalye

Nalimutan mo na ba?

Kung ilan ang sumali

Nalimutan mo na ba?

Ang kwento ng kalye

Nalimutan mo na ba?

Ang tunay na mensahe

Nalimutan mo na ba?

Ang kwento ng kalye