Тыгъужъыкъо Къызбэч

Ятэхые Гущыкъу,

Ащыкъоу Тыгъужъ,

Тыгъужъыкъо Къызыбэч!

Мэзахэри тфиугъоз!

Мэзагъохэр итанджышъхь,

И бзашъхьэ щымыут. Шъолэхъуджи мытэрэз, ШIоигъоджэ епсыхыжь.

ЫшнахьыкIэ Батымызэ,

Зэчэрые япхъорэлъф.

ЛIым фалъфыгъэр Хьаджадэ, Топкъалэ къегъэгырз. Шышъхьамыхъуарыу. НысэкIэгъэгушIох. Къызэтырелъхьи

Гъэрхэри къещэфыжь. — ыIуагъ! Ахъщэ фыжьыбзэджэ

Чылэхэри къегъэгуащ.

Япхъу дахэр дарие кукIэу.

Сетхэри зитамыгъэу

СабыитIор, бгъэжъым фэдэу,

Онэ гуми щэцэлашкэ.

Ящхагъо гъудыкIапсэу зэтекIы.

Я чатэхэр кIыгумыджэ алъэшъу, Яджэгъогъу зышъауи дэмыс.

ЗэIэбэкIы ибзэкIахь къырехы,

Щэр къырихи зэзакъо къахау.

Къызыбэчы чэтэрыу икIас,

Ипыихэр лъэкуаджъэджэ реуты,

Ипыихэр ОтэкIыIу рефы.

Чафырым итопыхэр къегъэжьы, — ыIуагъ! Къыхьыжьи

Ичэтэцыпэ лъэр пычэу, Пчыпыджыныжъымыджэ къеIэтых.

ЛIыхъор къафызэтедзырэп,

Дзэщхом фэгъэщынэрэп. ЛIыгъэщынэгъуай,

ЛIымыхъэзышIуащIох!

Ащымэри сащымэр кIэлъэхъу, Зыщыщэри дэуахьыджэ фэлъаIо. ЗэраIоуи Къызбэч къэнафэ. Къызбэч къынэси,

Маисэри фигъащи,

Щыхьытэуи зыришIылI.

Аджалэри мэфэпIуалъ!

Лъэр пычэу ипчыкIэ,

Сэкъатэу ытэмэпкъ,

Улалэу шыджалэмджэ хегъафэ.

Адыгэм пщэу исымэ

Къызбэч тэжъугъэлъэгъу, Илъэгъуи тыкIэхъопс!

Тинамыси къеубжьыкIу, ТыфемыкIоу тегъэщынэ.

Пщышхо икI и дауши нагъэсы, Мысырыпщым и сэлам къыIокIэ. Чылэджэ Къызыбэч

Хьэхьаити Хьаткъожьый. Хьаткъожъые хэт фэд? Зыфагъадэр Къызбэч!

КIыракIыо лъэпэнащэу

Ашъонащэр къызыщилъи Темырыкъо къегъэубз, — ыIуагь! Шыбзызакъор къыIырих, Чылэгъуибл къегъэкощ, Мыкощырэм пIуалъэ ритэу.

Тамытэч, Айтэчыкъу,

Щэщэнайкъо КIэмыгуи— ЛIэкъуищэри зэшъэогъоу. Дзэлыгьурым дзэр къыращы, Къэрэщаем пщыпIэ щашIы. Добэданэр якушъэпс. Лъэрыгъыпсэр щыкIаут,

Раутырэм и сэбэп,

Ебэнымэ къыIуехыжьы.

Быбыратэу топфыжь,

Пчъэм кIэсэнэр кIэсэIу.

Зэоныджэ дэкIошъы,

Зышъо зэмыкIокIыжь.

ЛIымэ адэжьыджэ аслъан! Къурамбыер гъомылэу.

Лабэ пщыпIэ щигъэщэу, Щэсырэми иоркъэу.

Зыкъини шIомышIэу,

Нахьи илIыгъэ ригъэхъоу, Лъэхъуджэ, цIыфы кIэмыхьэу,

Гум ихьагъи мэкIожьы, — ыIуагъ!