هو شبهك الجو والا تشبهينه
طهر قلبك كنه الغيم في سمانا
لو تحدا الغيم مابيني وبينه
قال صعبه لو تفرق في حدانا
ليت ماسوو العواذل تتركينه
وافتحي صفحه جديده في هوانا
ليلة غيابك وانا نفسي حزينه
واتجاهل لجل ما يرخص غلانا
جيت لك وانا على ماانتي تبينه
في عيوني شوق رحب بك وبانا
كل حرف من شفاتك تنطقينه
والله ان سمعي على صوته تهانا
مرحبا من خافقن لو تكشفينه
اربع حروفك تبين به وفانا
من بعد غيبه رجعتي يالثمينه
ابرك ايام السنه ساعة لقانا
لك يفز القلب يانبضه وعينه
ونشكر الله بالعطا يومه عطانا
العمر ماضاع بك تبدا سنينه
ومامضى وما فات ياجعله فدانا
لك خفوق لا صدق تستاهلينه
مخلص لك بالهوا ولا توانا
ايه احبك والغلا لو فيه بينه
يتعب العشاق تاصل مستوانا
