Häuslbauer 3

Häuslbauer 3 (Innenausbau)

Vor´m ersten Schnee hom mia des Richtfest feierlich begossen.

Und dann homma den Rohbau über´n Winter ausgfrea´n loss´n.

Auch partnerschaftlich g´sehn woa die Auszeit ka Minut´n z´spät.

Abstand zum Erhoin weil man sich sonst an die Gurgel geht.

Im Frühling is des alles wieder längst vergessen und man schreitet zielgenau

zur dritten Etappe beim Eigenheimprojekt - dem Innenhausausbau!

Die Zwölferwandl´n aufstöh´n is ka grosse Hexerei,

Aus Spoarsamkeit mischt ma den Beton - 16 zu 3.

Bei Türn und Fenstern wird die Plastikfolie gleich entfernt.

Einbaut hot uns des im Pfusch a Freind von an Freind,

wei der hätt´s g´lernt.

Aber irgendwie woa der Typ an dem Tog nit sonderlich guat drauf.

Weil Wohnzimmer- und Kuchlfenster gengan noch aussen auf.

Mischmaschin und Scheibtruch´n - zur Jaus´n gibt´s an Marmorkuchen

Maurer, Maler und Verputzer - Dixieklomitbenutzer

Beim Söbamoch´n wird´s an g´wiss - wos am Bau so Sache is

Zur Horizonterweiterung g´hört auch dazua,

a Schnösiadakurs in Architektur

abg´schloss´n mit 1,0 - auf der Viokshochschui

Ois nächster auf der Baustö kimmt der Wasserer vorbei.

Wir hoffen, er is fachkundig und ka zweiter Reinhard Mey.

Doch der Rohrverleger woa nit ungeschickt und keineswegs inkompetent.

Nach guat aner Woch´n rinnt des Wosser woarm und koit und die

Heizung is g´rennt.

So zum Trinken homma jetzt und auf´s Häusl kem´ma a,

doch dort is es noch zappenduster.

Wer spricht, schlicht, ein Gedicht und sagt: "Es werde Licht?"

Genau - der Funkenschuster!

Der woar komplett neb´n der Spur und hat in oana Tour mit sein

Stanleymesser umag´feidlt.

Und wie´s für eam der Brauch is hot´s eam gach amoi

vom Zählerkost´n dounnabeidlt.

Glei drauf kummt die Putzerpartie - 3 Rumänen a Pole und a Russ

De hackl´n wie verruckt, kosten nit vü - und schlofen tuans im Firmenbus

Nebenbei bemerkt war´n a die Jungs für´n Estrich kane Pfeifen

Des geht ois maschinell, nix manuell - brauchst söwa goa neamma zuwigreifen

Bier aufmoch´n mit der Maurerköh´n und zweideutige Witz dazöh´n

Für den Foi, dass oan a Schlagl trifft, plant ma glei an Seniorenlift

Der Nachbar schikaniert und mobbt - er hätt gern, dass der Bau stoppt

Kreissog, Hilti und die Kawüroin hob´n uns linke Ganoven g´stoih´n.

Dahin´g´wen san´s mit an Benz - san sicher scho über´d Grenz.

Apropos, dem Elektriker is nix passiert - es betraf ihn nur periphär.

Er sogt: Sein ganz persönlicher Rekort liegt bei 63 Ampere!

Beim Gasanschluss im Heizraum hint´ klemmt des Druckventü.

Kollega mit´n Vorschlaghammer mant: "Gehtta , wenn ma wü"!

Die Ehefrau als der eigentliche Chef - wissat noch a "nice to have"

Zum Auflod´na vom Tesla und vom E-Mountainbike -

brauch ma a Photovoltaik!

Mischmaschin und Scheibtruch´n - zur Jaus´n gibt´s an Streuselkuchen

Maurer, Maler und Verputzer - Dixieklomitbenutzer

Beim Söbamoch´n wird´s an g´wiss - wos am Bau so Sache is

Zur Horizonterweiterung g´hört auch dazua,

a Schnösiadakurs in Architektur

auf der Voikshochschui - jetzt moch ma ois noch Feng Shui

Im Hintergrund hör ich leise ein Klavier.

Die nächste Episode - Häuslbauer 4.