يانور عيني

يا مل قلبن من صواديف الزمن همه ثقيل

اثقل من حمول الجمال اللي تشيل احمولها

يا كم شقيت وكم عنيت وكم نهار وكم ليل

ما كني إلا أرسم كروكي عرض الأرض وطولها

يا مل قلبن من صواديف الزمن همه ثقيل

اثقل من حمول الجمال اللي تشيل احمولها

يا كم شقيت وكم عنيت وكم نهار وكم ليل

ما كني إلا أرسم كروكي عرض الأرض وطولها

وهاذي تراها من سبايب نظرة الطرف الكحيل

عسى العمى قسم العيون الحاسدة من حولها

ودي بوصفك يا غزال تملك الوصف الجميل

وشلون مدري يمكن العالم تزوغ عقولها

وصفك خيال وقبل اشوفك ما عرفت المستحيل

حتى الحروف الشاعرية فيك يطرب قولها

حتى الحروف الشاعرية فيك يطرب قولها

الطول شامخ والعيون النجل والخصر النحيل

والوجه شوفه كل شدة في الصدور يزولها

والشفه اللي كنها الورد وطعمها سلسبيل

غنوا لها ياللي تعشقون الطرب غنوالها

والعين عين الحر الأشقر والخشم سيف صقيل

سبحان من كمل وجمل في وصايف زولها

يا كامل أوصاف الجمال العذب والعنق الطويل

ما كل من يرغب يطول الشامخات يطولها

تدللي يا نور عينه اللي غدى قلبه عليل

مثلك تدلل ونخدمها ونخدم مرسولها

قسمك من اسمك فالأناقة والأنافة والدليل

وقبيلتك كل القبائل يعرفون فعولها

ربعك زحول المجد وأهل الفعل والسلم الأصيل

يوم القبائل تفتخر بأفعالها وزحولها

يوم القبائل تفتخر بأفعالها وزحولها

يوم القبائل تفتخر بأفعالها وزحولها

ربعك زحول المجد وأهل الفعل والسلم الأصيل

يوم القبائل تفتخر بأفعالها وزحولها

قلته وأنا روقي وربعي مجدهم ماله مثيل

حنا الفخر كان المعارك دندنت بطبولها

نرقى سنود ولا نكل ولا نمل ولا نميل

بفعالنا نلطم وجيه أخصامنا ونهولها

بفعالنا نلطم وجيه أخصامنا ونهولها

بفعالنا نلطم وجيه أخصامنا ونهولها