A mano ‘e D10S (feat. Alejandro Romero)

Nascette 'nmiezo a na vij

Comme pe' sfizio ‘e nu Dìj

Ca ce facette capì che tutto nun pô fernì

Dint’a na periferìj

Cercanno na bona vìj

Piglianno a cavece ‘a vita

Pe' mille juorne suraje

Spuorco 'e turreno e dulore

'Ncapa nu sulo penziero

Addiventà nu campione

Purtà 'e speranze 'int’'e case

‘E chi nun ha avuto niente

E nun verè cchiù ‘a miseria

‘E vvote restava isso sulo

Cu' l’uocchie apierte a sunnà

E tutt’a gente cantaje: "Maradò, Maradò"

E tutt’'o stadio alluccaje: "Maradò, Maradò"

Luceva comm'a na stella

Senza paura ‘e fa' ‘a guerra

E tutt’'a curva cantaje: "Maradò, Maradò"

Nascette ‘a mano ‘e Dios, Maradò, Maradò

Facette tutti cuntenti, vasaje ‘a maglia e ‘sta terra

Purtanno ‘ncuollo na croce

‘A croce d’essere ‘o meglij

Pe’ nun se vennere maje

A chi è padrone d’'o munno

E si è caduto Gesù

Pecchè nun può cade tu?

Ca t‘he jucato ogni sfida

‘A ciorta le presentaje

N’amica vestuta ‘e janco

Ch'‘o faceva ‘mpazzì

Nun se senteva maje stanco

‘E fa a cazzott’ c'‘o tiempo

Ca nun ce dà areto niente

Si tieni n’anema overa

E mo ca è fernuta ‘a partita

Diego nun se pô scurdà

E tutt’'a gente cantaje: "Maradò, Maradò"

E tutt’'o stadio alluccaje: "Maradò, Maradò"

Luceva comm'a na stella

Senza paura ‘e fa ‘a guerra

E tutt’'a curva cantaje: "Maradò, Maradò"

Nascette ‘a mano ‘e Dios, Maradò, Maradò

Facette tutti cuntenti, vasaje ‘a maglia 'e ‘sta terra

Olè, olè, olè, olè

Diego, Diego

Olè, olè, olè, olè

Diego, Diego

Olè, olè, olè, olè

Diego, Diego

Olè, olè, olè, olè

Diego, Diego

A poco que debutó, Maradó, Maradó

La 12 fue quien coreó: “Maradó, Maradó”

Su sueño tenía una estrella

Llena de gol y gambetas

Y todo el pueblo cantó: “Maradó, Maradó”

Nació la mano de Dios

Sembrò alegría en el pueblo

Regó de gloria este suelo

Vasaje ‘a maglia 'e ‘sta terra

Regó de gloria este suelo

Vasaje ‘a maglia 'e ‘sta terra