Bakı

Günəş öz nurunu üzümə saçır

Gələcək günlərə xoş günlər açır

Durnalar səninlə zövq alıb uçar

Mehriban şəhərim, əzizim Bakı.

Səndən uzaqlarda sanki xəstəyəm,

Bir bülbül olmuşam dar qəfəsdəyəm

Istərəm qəfəsdən səni səsləyəm

Minlərcə dillərin əzbəri Bakı.

Uğurum, vüqarım, əzizim Bakı.

Gecələr ay çıxar, dalğalar baxar

O nurlu səmada, ulduzlar saçar

Yuxulu gözlərdə xəyallar axar

Xəzərin döyünən ürəyi Bakı.