彼當初

你啥物時陣會閣轉來 我欲煮規桌你愛食的菜 我知影魚仔你無蓋敖處理 嘛無定定有時間滷筍絲 若是你無閒好好食一頓飯 至少來開講開講嘛好 若是你連斡來的時間嘛無 免擔心阮 我會共家己照顧喔好 彼當初 彼當初 若是我知影你轉來的路 會變甲遮爾仔長 我可能會毋甘放手 毋甘予你佇外口走傱 彼當初 彼當初 就算我知影你會愈行愈遠 我猶原會放你去飛 徛甲遠遠 恬恬共你守護 逐工敲電話嘛無必要 無想欲害你工課做袂了 我知影少年時拍拚真無閒 你嘛有需要照顧的家庭 彼當初 彼當初 若是我知影你轉來的路 會變甲遮爾仔長 我可能會毋甘放手 毋甘予你佇外口走傱 彼當初 彼當初 就算我知影你會愈行愈遠 我猶原會放你去飛 徛甲遠遠 恬恬共你守護 彼當初 彼當初 我閣怎樣毋甘放手 嘛愛祝福你健康快樂 彼當初 彼當初 我早就知影你會愈行愈遠 嘛一步一步教你飛 我這世人 只希望你幸福