ود الحله

باسم بشوش ولطيف، راقي وجميل طلة

شايل هموم الناس وعمره ما مل

دايماً مع الأخوان والزيو فات ولّ

في اللفة والدكان، الفتة والشلة

بالطيبة والإحسان بيخدم خلايق الله

زول روحه روح فنان نوارة الحلة

دايماً بيساعد الغير وبصير على ناسه

مليان محبة وخير خير الله ميراثه

ما بيخذل المحتاج والفتشه وكاسه

يلقوه ضي العين ويلقوه تاج راسه

بالخير بيصابح الناس وبالنور بيمسيهم

فاهم أديب وناس، الهم بينسيهم

لو نادوه، هوي عوزة في الحال بيوفيهم

يقطع نفس روحه، رضيان بيكفيهم

صافي وجميل وجدان زي الغمام بيرحل

مخلص وفي وإنسان سقاي نداته عسل

الرايحة وين ما كان في دربه تلقى

للسمحة عنده مكان وللشينة ما في محل

باسم بشوش ولطيف راقي وجميل طلة

شايل هموم الناس وعمره ما مل