Rughju Di Vita

Da i chjassi di sangue ,E e strade spaventu

Hè partutu u lione à salutà u ventu

I so cumpagni fieri sò tra pientu è rivolta

Si sò chitate sfiere un silenziu s’ascolta

Hè partutu u lione à salutà u ventu

Una lacrima hè corsa in l’ochji d’un zitellu

Hè partutu u lione à salutà u celu

L’anu toltu u fiatu ma hè viva a so voce

U so passu hè stampatu per diserte per foce

Hè partutu u lione à salutà u celu

Di u so rughju arditu ribombenu e fole

Hè partutu u lione à salutà u sole

Pocu impreme u vantu di quellu chì fù cecu

Suvitendu u so cantu truveremu u veru

Hè partutu u lione à salutà u sole

Sò orfane è zergose e muntagne ribelle

Hè partutu u lione à salutà e stelle

Issu paese hè di fede è u focu ùn si tace

Un sò mai e vindette à fa cresce a pace

Hè partutu u lione à salutà e stelle

S’hè accolta a so ghjente in un silenziu piu

Hè partutu u lione à truvà u so diu

Sia Bibbia o Curannu si sceglie u so destinu

Un hè divina a manu à armà l’assasinu

Hè partutu u lione à truvà u so diu