Maruzzella

Ohé!

Chi sente?

E chi mo canta appriesso a me?

Ohé

Pe' tramente

S'affaccia 'a luna pe' vedé!

Pe' tutta 'sta marina

Da Pròceda a Resína

Se dice: Guarda llá

Na femmena che fa!

Maruzzella, Maruzzè'

T'hê miso dint'a ll'uocchie 'o mare

E m'hê miso 'mpiett'a me

Nu dispiacere

‘Stu core mme faje sbattere

Cchiù forte 'e ll'onne

Quanno 'o cielo è scuro

Primma me dice sí

Poi doce doce, me faje murí

Maruzzella, Maruzzé'

Ohé!

Chi mm'ajuta?

Si tu nun viene a m'ajutá?

Ohé

M'è venuta

‘Na voglia ardente 'e te vasá

E vieneténne oje bella

E damme 'sta vucchella

Ca, pe' mm'avvelená

'E zùccaro se fa

Maruzzella, Maruzzè'

T'hê miso dint'a ll'uocchie 'o mare

E m'hê miso 'mpiett'a me

Nu dispiacere

‘Stu core mme faje sbattere

Cchiù forte 'e ll'onne

Quanno 'o cielo è scuro

Primma me dice sí

Poi doce doce, me faje murí

Maruzzella, Maruzzé'

‘Stu core mme faje sbattere

Cchiù forte 'e ll'onne

Quanno 'o cielo è scuro

Primma me dice sí

Poi doce doce, me faje murí

Maruzzella, Maruzzé'