Men Lakhar

مخدوع بصوره لي كنشوف فوجه الناس كولشي ليا ضاحك كولشي متبتني كينفقو لاش عاود

مخدوع بالعشرة لي دوزت ضاع الوقت وسط الصحاب وسط لوعود ،كولشي كدوب كولشي بلانو حامض

مخدوع بالناس لي خلاتني فيها نتيق شاد طريق غادي بيها نيتي صافيه مول نية رابح، مخدوع ولي جرى كولو ربح بديت نصح انا داك لي را مصفي قلبو صافي سيرو ربي يسامح،

انا داك لي كيجرب كل واحد باش تعرفو لاش ناوي يشري معرفة معاك كيضرب و يقييس، انا داك لي كيقمر عل لبان مرة رابح مرة خاسر عارف اشنو خاص اشنو ناقص ، ملي كندير شي حاجة ويلا درت لعيب درت الخيب الحال صعيب ذنوب بنادم غادي يخرجو فيا ، ملي كندير زوين لازم ما ننساه نتسناه غا نلقاه خلاصو عارفو لهيه ماشي هناية ، عرفين كولشي را فايت غتفكروني بزوين ، عارفين ليام إلى دازت كيما دازو حنا دايزين ، عرفين لي غلط و نادم يمكن عندو ضمير عارفين لي كعما فاهم غادي مكدم باغي ، شكون لي قلبو عامر محساد و بانت فيه، شكون لي شاد فقلو زعمة فعالو غاتعطيه ، شكون لي راضي بالهم و الهم ما راضي، شكون لي فيكم فاهم كعما جيت نفهم عليه، كون ما كانت شمس ما نقلب على الضل ، كون ماكان المشكل كعما نسول فين الحل ، كون ما كان لي داز عليا زاد خلاني راجل كنت نجري غير بشويه و عارف راسي واصل، عرفيني درت الفوضة عرفيني كنتسيف، عرفيني نايض نوضة كاع لي سمعني غادي يولف، عرفيني اش مدوز واخة ساكت عليه، عرفيني اشنو عارف لي عارف عرفوني بيه، عرفيني راسي عامر ماشي غير بشعر، عرفيني ربي عطاني لي خلاني كنهضر، عرفيني ديما رابح برضات الوالدين الأولى ماما ديما ماما كدير زوين

انا لي بغيت انا لي دويت ، انا لي خديت انا لي عطيت، انا لي شقيت انا لي جريت، انا لي قانع بلي لقيت، انا لي مربي وسط دار انا لي زنقه كل نهار انا لي سماوني جاكوار، إلى تلفتو عيطو لي المختار ، انا لي مكدب كاع لوعود انا لي راضي بالمجود انا لي شفت طريق طويله شوفة ديما بلا حدود، انا لي طايب بالخزوز انا لي كلامي كلو لوز، انا لي طالع درجة درجة واخة زادوني فدروج ،انا سبات لي كيلاشي انا حالف ما نكلاشي انا كاع لي يأديني عمرو غادي يضرني فراسي، انا القمرة لي كتباني لي باينة وسط ضلام ، انا لي متييق لحلام كلها دارسها مزيان، اناية فعقلك ديما معاك انا الخلعة لي شداك عمري غادي نكون موراك عمرك غا تسمع عفاك، مازال مدوخك كيف دير غادي نذكرك غير بالخير غادي تشوف كولشي قدامك بلاش سباغة بلاش جير و عوّج، بحلة كولشي بان الناس لي دفعاني بالخايب بالمزيان كل واحد كيف بغاني مازال نكون حسن ملي تابعة تنساني يامي غا تزيان غا يكون الله عطاني