Kaheel Al Tarf

يا كحيل الطرف عينك، اشرقت وقت المغيب

معجزة باسباب زينك، حاصله ماهو غريب

في اللقا بيني وبينك، كايد جروحي تطيب

اهتني والزم ايدينك، غايتي شوفك قريب

في وجودك عايش ٍ بالعمر سالي

من وصالك ذايقٍ لذة دلالك

في غيابك حاضر بشارد خيالي

ما صفيت إلا على من هو صفالك

كل ما قبل جبينك فاحلي مسك وطيب

حالي المبسم ولينك جاذبه ساس عريب

فايق اللطف وحنينك كلها لاسمك نصيب

جعل تبطي بك سنينك ماحد غيرك حبيب

ماحد غيرك حبيب

ان سألت وقلت وينك؟ قلت فالصدر الرحيب

قلبك اللي به ضنينك حاضر به ما يغيب

ما استمع من عاذلينك خل مسعاهم يخيب

البلا في حاسدينك وجه ريم وقلب ذيب

عش معاي ولا تخاف ولا تبالي

شفني قبالي وانا كلي حلالك

انت عندي لك قدر بالحيل عالي

يا غلا اضعاف ما يطري في بالي

كل ما قبل جبينك فاحلي مسك وطيب

حالي المبسم ولينك جاذبه ساس عريب

فايق اللطف وحنينك كلها لاسمك نصيب

جعل تبطي بك سنينك ماحد غيرك حبيب

ماحد غيرك حبيب