Glaseret & lang verjährt

I schaffe bis am Füf, wi aui angere Lüt hie

Doch mängisch hani Glück u scho am viertu vor frei

U z Abentüür rüft, drum nimi vom Job hei oh mau dä Umwäg wo entlang amne Biotop geit

I hane Mouch gseh, woow!

Mir passiere so Sache, 's isch än Iisteuigsfrag

Weisch, mir si aui mit dr Wiudnis verbunde

U hei no tierische Instinkte wo im Innere schlummere

Nur eis Wort für ds Gfüu woni ha, wenn ig es Füür ire Füürsteu entfache: Freiheit

Ä Maa muess mängisch säubstständig sii

Und allei inä Waud, nur ä Slackline drbi

Wüu es geit um Balance, i fine geistige Fridä

Im Teil vo däm Zoo wome Geissli darf striichle

Im Büro luusche aui minä Abentüür-Gschichte

Verbreite Lagerfüür-Stimmig a dr Café-Maschine

Lug mau di Erwachsene, glaseret u lang verjährt

Was viu im Chopf, Eheching u Gartezwärg

Lug mau di Erwachsene, glaseret u lang verjährt

Was viu im Chopf, Tinnitus u Zahnersätz

Lug mau di Erwachsene, glaseret u lang verjährt

Was viu im Chopf, Eheching u Gartezwärg

Lug mau di Erwachsene, glaseret u lang verjährt

Was viu im Chopf, Tinnitus u Zahnersätz

Lug di Chinder ah, si hei aues im Griff

Wime redt, wime lacht, wime - spiut

Di macht nur no dr Aukohou witzig

Jede trurig Mänti jagt ä lacherleche Fritig

Ja, mä gönnt sech ä Zigi nach dr Sitzig

Mir schlaft im Ziitraffer z Gsicht ih

Momo hiuf mr, di graue Männer hei mi fescht im Griff

U si si ersch bi Traktandum 4

Still alive so wie "Still Alive"

Mängisch triffi dr Still alive

Lance Zwänzg mit dr Piuebox

Wo sech d Näbäwürkig über d Finger chotzt

Ä Bürotag wo di schlimm verwirrt

I ha gluegt, dass usem Krabby ke Kingler wird

Mini Klappe het iz es Alibi

Mini Narbe gsehsch, weni i dr Badi bi (splash)

Lug mau di Erwachsene, glaseret u lang verjährt

Was viu im Chopf, Eheching u Gartezwärg

Lug mau di Erwachsene, glaseret u lang verjährt

Was viu im Chopf, Tinnitus u Zahnersätz

Lug mau di Erwachsene, glaseret u lang verjährt

Was viu im Chopf, Eheching u Gartezwärg

Lug mau di Erwachsene, glaseret u lang verjährt

Was viu im Chopf, Tinnitus u Zahnersätz

I schnulze mit no chli müeden Ouge id Znüni Pouse

Zum Platz vorem Büro, wo d Lüt chöi rouche

Stah vor mi Chef und ha nüt z verzeue

Är fragt mi, ober darf mis Füür uslehne

Und mir chöme über Bürotheme zu ob i scho Plän heig für id Ferie

I säge dasi hüür mau daheim blibe und lüfte im Gspräch mis guet ghüetete Gheimnis

Wieso i jahrelang Eierschachtle gsammlet und mit beidsitigem Gaffa-Band befeschtigt ha ar Garage-Wang

Mini Plän bruche irgendwo Platz, i gründe ä Band, wo Indie Folk macht

Es isch 5 ab Nüni, woner mr z Füürzüg zrügggit

Und seit, dass si no ke Musig heige für z Firmefeschtli vom März

Woah, ds wird mis erschte Konzert

Lug mau di Erwachsene, glaseret u lang verjährt

Was viu im Chopf, Eheching u Gartezwärg

Lug mau di Erwachsene, glaseret u lang verjährt

Was viu im Chopf, Tinnitus u Zahnersätz

Lug mau di Erwachsene, glaseret u lang verjährt

Was viu im Chopf, Eheching u Gartezwärg

Lug mau di Erwachsene, glaseret u lang verjährt

Was viu im Chopf, Tinnitus u Zahnersätz