Lyrics
(دونجا)
(يلا)
على وضعنا ومعديينه (أوي أوي)
بخمسة ستة كيلو (الصحاب)
أنا اللي صحابي كلهم رجالة
ريسبيكت مني ليكو
حافظينها ولفينها من شرقها لغربها
لما نحب نعمل حاجه بنعملها ونوصلها
أقل واحد فينا معاه شفرتها وحلها
مبنخافش من حاجه طول ما معانا ربنا
لما الدنيا بتيجي علينا بنقفلها كلنا
ولما بتجيلنا الفرحة بنقسمها على بعضنا
مش بمزاجنا الجدعنة دي بتجري فـ دمنا
وأهالينا مربينا عـ الرجولة من صغرنا
سر نجاحنا تقديرنا لبعضنا
وسط كل الناس بنكبر نفسنا
وفـ أي مكان لما يتذكر إسمنا
سيرتنا بتبقى حلوة والناس بتحبنا
مش أي حد أنت عارفه تقول عليه صاحبك
صاحبك اللي يقدرك اللي يخاف على شكلك
صاحبك اللي لما الدنيا تضلم ينورلك
صاحبك اللي يخاف عليك من أي حاجه تضرك
الحياة فعلاً غريبة بس برضو ليها معنى
وأى حاجه بتحصل لينا بيبقى ليها حكمة
ممكن حاجه تحصل وحشة تبقى فـ مصلحتنا
وحاجه مفكرينها حلوة تدمر حياتنا
ودايماً فـ بالي إني هعيشها مرة واحدة
والدنيا مبتجيش للي فاكرها لعبة سهلة
الدنيا سرها وحلاوتها في الفكة
معاك فلوس كتير هتلاقي الدنيا سالكة
على وضعنا ومعديينه (أوي أوي)
بخمسة ستة كيلو
أنا اللي صحابي كلهم رجالة
ريسبيكت مني ليكو
ملناش في الدخان ولا بنحب الحرام
وأنا والشمال دايماً أخصام
والصاحب ساحب يا لورا يا لقدام
عشان كده أنا صحابي كلهم تمام
مش أحسن من حد ولا حد أحسن مننا
متقسمة بالعدل ما بينا كلنا
مينفعش كل حاجه عندك تبقى عندنا
عشان تحتاجلي وأحتاجلك ونكمل بعضنا
Written by: Ahmed Osman
