Энекебай, оо ыйыгым, ыйыгым,
Энекебай, оо кутманым уюгум.
Агып келип тамырыңдан алтымыш,
Алтын өмүр бешигиңден уюдум.
Сен көз жумсаң унутаармын жыл чыдап,
Мен көз жумсам көз өткөнчө буркурап.
Апакебай кара чачың куу болоор,
Кош эмчегиң алмак-салмак зыркырап,
Энекебай, билем туям эмгегиң,
Энекебай, өмүр жашың мен жедим.
Кантип мени карыш жолго узатсын,
Кактап күн-түн ак сүтүңдү эмгеним.
Кактап күн-түн ак сүтүңдү эмгеним,
Кирпик какпай канча жолу термедим.
Татыбайт го минуталык толгооңо,
Менин Күндү алып келип бергеним.
