Für immer niemer

Aha

Wooh

Okay

Ja, ja, ey

Chume vo de Bühni mitme Drink

Wöd i d'Chüeli, ich ha mis Tüechli um de Grind

Lüt fühleds, wel sie wüssed, wie ich bin

Die ganz Schwiiz kennt de Name unterdesse; mier hend killt, du weisch

Bro, ich has der gseit vor öppe füüf Jahr

Läbe vom Applaus, öppis gmacht usem nüt, Bro

Ich ha denkt, es wäri Ziit für öppis anders

Aber säg, wie sell ich gah, Mann?

Ich bi süchtig nach dem Ganze

Has im Bluet, lueg, es fliesst dur mini Vene

Wenn ich schriibe, denn isch Hip-Hop i de Wehe

Ich läb de Movie, das isch alles, wo ich gsehne

Fucking Chekaa lütet ah und fragt mich: „Hesch mer paar Idee?“

Was isch passiert, Mann? Unterdesse rappt do jede

Sie gsehnd alli glich us

Und sie hend all die gliche Theme

Sie kopiered, ihri Scheisse hed kei Seele

Aber jetzt chund Young Mimi back und figgt ihri Karriere easy

Vier, eis, Champions League, ich spit Fire, hundert Grad

Chum im Tanktop, wiss

Oh, Bro, bring mer jede, ich säg: „Rest in Peace“

Young Mimi – Man of the Season – MVP

„Jong & Hässig“ isch für immer, Bro, Crack für d'Schwiiz

Mer wird säge, ich bin de Ersti und de Letschti gsi

Zwoi Jahr ohni mich, Bro, isch lässig gsi

Doch sie hend nüt drus gmacht

Danke, merci, G

Jetze bin ich wieder da

Neus Album, neui Ära

Sie chönd mich nöd hole, läb im TV wie Samara

Neus Label aber 's alte Team

Sie und ich isch kei Verglich, es isch en anderi Galaxie

Mier fahred ih, A-Team, ziel schnell wie Lucky Luke

Die Guete stärbed jung, fast Life wie Andy Hug

Und du hesch one Shot; also, Brüeder, mach die Moves

Ich gibe alles für das uf und süscht isch bald mal alles us

Lug, die Bars sind nur 's Warm-up

Es wird Ziit, mier gönd deep, isch kei Frag, Mann

Brüeder, lueg uf, „läbe vom Applaus“, han ich dier damals gseit

Wer ich bi, woher ich chume, de ganz Afang, weisch?

Jetzt isch paar Jahr meh, Bro; paar Stories meh

Lug, es sind paar Hater meh und au so vil Fans meh

Also chill, Homie, lueg doch mal, wo mer jetzt sind

Wenn ich jetzte dra dänke, 's chund mier vor wiene Film

Ich ha immer welle Star si (Ja)

Irgendwänn e Villa mit Ferrari und so

Ich ha immer welle Star si (Ja)

Ich ha welle läbe vom Applaus vo de Crowd

Ich wott nie wieder normal si (No)

Lieber bin ich morn scho im Grab oder so

Baby, jede Tag e Party (Ja)

Lueg mal, ich ha nüt nur e Traum vorm Aug

2014 chund das Album id Läde

Plötzlich staht Young Mimi näb de andere Näme

Näb de Grosse vo de Szene, Bro, crazy Shit

Chum vom Underground id Charts, Homie – Major Biz

Mier sind use i di Wält, Bro, alles no so neu gsi

Jung und naiv, nur mier mit alle und paar Träum

Zieh mis Ding düre

Wott go jage wiene Leu

Und ha das Ziel vor mine Auge, gibe „Holla at Ya Boy“

Plan ufgange; Bro, fühl mich wie Rocky

Gang dur d'City wie en Promi, mache da und det es Foti

Shit wird zu serious und du findschs komisch

Doch für mich isch das scho immer bitzli meh gsi als es Hobby

Und du weisch, Bro, mer wend no wiiter ufe

Plötzlich isch die ganze City do am Prima suufe

Lueg, sie pumped üsi Lieder, wenn sie tschuuted

Nume drü Zahle präged in Luzärn e ganzi Jugend

Ich bi zu Schwiiz für die Street, zu Street für d'Schwiiz

Han e riesegrossi Frässi, drum Beef mit Gs

Eh, und, ja, Mann, isch scho klar, dass sie mich hassed

Säg, was sell ich mache, wenn ich ned i ihres Wältbild passe?

Und am Afang isch es schwär, Bro

Aber du chasch eh ned allne gfalle; Hate wirds immer gäh, Bro

Unterdesse lauft 's Game; ich füll d'Schüür in Luzärn

Debütalbum ufem Eis heds i de Schwiiz noni gäh

Sone Hype wäg chli Rap heds i de Schwiiz noni gäh

Ich ha das Game für immer changed, das cha mier niemert meh näh

Ey, und plötzlich chömed alli, Bro, Fründin het de Aschiss

Ich wott nüt verpasse, gsesch mich nume no a Partys

D'Nacht, sympathisch; willkomme i de Matrix

Figg mal uf spare, Bro, ab jetzt isch alles gratis

Das isch nur de Afang, alles isch so magisch

Chum vom MD abe; Läde bliibed dunde, au wenns Tag isch

Nie wieder Sorge, mis Gsicht uf Poster

De Bueb vom Maihof, er isch jetzt eine vo de Grosse

Ich mues nie wieder so wie all die andere si

Lueg, ich ha gmeint, ich seg acho am Ziel

Ich ha immer welle Star si (Ja)

Irgendwänn e Villa mit Ferrari und so

Ich ha immer welle Star si (Ja)

Ich ha welle läbe vom Applaus vo de Crowd

Ich wott nie wieder normal si (No)

Lieber bin ich morn scho im Grab oder so

Baby, jede Tag e Party (Ja)

Lueg mal, ich ha nüt nur e Traum vorm Aug

Denn isch Album Nummer zwoi cho, Oscarriif

Wiiter obe i de Charts isch nur e Rockstar-Liich

Näbe mier heds keine gäh, wo eso polarisiert

All die andere, sie hends Gfühl, sie hend die Promo verdient

Immer meh Dissereie, aber das isch so egal

Wil ich ha so vel andri Sorge – mini Mama im Spital

Sie wend gseh, wie ich gheie, hend mich gseucht uf de Strass

Lug, Dämone, wo ich rüefe, werded langsam scho real

Ab jetzt isch nüt meh mit privat

Jedes Wuchenend am suufe, hundert Züüge sind am Start

Bro, sie chrüüched dier in Arsch

Doch lah sie einisch us de Auge und de Tüfel isch parat

Ey, und denn isch di Beziehig cho

No mal neue Level gsi

Plötzlich öppis, wo ich sicher ned ha welle si

Bin ufem rote Teppich – Interviews – Celebrity

Mann, Blick am Abig, 20 Minute, keis Wunder reded sie

Auge uf mier schwär, so wie zäh Tonne

Homie, da'sch de Grund, warum ich nüme in Luzärn wohne

So viel Zwiifel i mier inne; da'sch de Nährbode für de Parasit

Mann, ich bi ständig hin- und herzoge

Uf de Stage, churz fühl mi frei

Nöchschte Morge ghör ich, ich bi dür die Prüefig gheit

Und ich stah wieder mit nüt da, Mann, figg de Scheiss!

Schwiiz Rap Nummer eis und süst nix erreicht

Cha für churz öpper si, wenn ich usgah

Homie, doch am Mäntig de am sächsi wieder ufstah

Ich bi irgendwo zwüsche Shows, zwüsche „Mimi du bisch Dope!“

Zwüsche „Wer wott ich mal werde?“ und „am Monetsändi broke“

Es isch ned andersch gange

Ich han de Wäg muesse gah, Bro, ich hans verstande

Ey, das alles bi ned ich, es bringt mich ned wiiter

Brüeder, mis ächte Ich isch kei Titelsiite

Und wenns blowt, denn blowts, und wenn ned, isch okay

Wil im Strebe nach no meh wird mini Seele ned frei

Säg, was bruuch ich zum glücklich werde?

Isch es für anderi öpper si, oder de Friede mit mier selber?

Keis Hus, kei Charre, kei Gold, kei usverchaufti Halle

Defür bhalt ich min Stolz

Baby, ich bi cool mit dem Typ, wo ich gseh im Spiegel

Ey, de simmer halt für immer niemer!

Ich ha immer welle Star si (Ja)

Irgendwänn e Villa mit Ferrari und so

Ich ha immer welle Star si (Ja)

Ich ha welle Läbe vom Applaus vo de Crowd

Ich wott nie wieder normal si (No)

Lieber bin ich morn scho im Grab oder so

Baby, jede Tag e Party (Ja)

Lueg mal, ich ha nüt nur e Traum vorm Aug

(Chum, mer sind für immer, immer, immer niemer )

(Chum, mer sind für immer, immer, immer niemer )

Chum, mer sind für immer, immer, immer niemer

Chum, mer sind für immer, immer, immer niemer

Chum, mer sind für immer, immer, immer niemer

Chum, mer sind für immer, immer, immer niemer