Music Video
El Joker - El 3o2d l الجوكر - العُقد
Lyrics
أكيد كان ليها حلول وأكيد مننا في طرف مسئول
كان سهل النهاية تبقى نقطة بداية لو سعينا لحل وسط معقول
في طرف استنزف اهتمامه وطرف ما شافش إلا نفسه قدامه
وطرف كان بيخسر والسكة مش بتقصر، يوميًا بيدفع تمن إدمانه
كنتي كل حاجة عكسي وبتشدني
قبلت عشانك أتهد وشخص تاني يتبني
اتغيرت على أمل تتغير يوم لما تحبني
قال يعني الريح هتبقى نسمة لو الشجر ينحني
عشت معاكي فرحة ما عشتش من آخرها
أنتي كل ذكرى ببتسم لو أفتكرها
في حاجات وأنا بحكي عنك الوجع يقولي أنكرها
يسألني الحنين "وتحكي إيه؟ ما حيلتكش غيرها"
الهجر، مُر اللوم، طول الليل صعوبة النوم
تُقل الحمل، بُطء اليوم، وسع الفجوة، ضيق الكون
مكالمة صلح في انتظارها، تقلت الثواني
كل اتصال جريت عليه وطلع من حد تاني
عاملة مش مضمونة ماللحظة الأولى
عشان أسعى إنك تفضلي موجودة
وأضحي من غير ما أسأل ده في مقابل إيه
أنتي عايزة حد تكسريه مش تتسندي عليه
أكيد جبت آخري لسبب
مفيش إحساس مالعدم
اخترت ما أعيش في ندم
مادام كده، كده في آلم
ما هو مش معنى إني قبلت تفتري
مش منطق تبيعي وأشتري
نفسي بيطول لو أتغري
لكن جريني في طريق يتجري
أكيد جبت آخري لسبب
مفيش إحساس مالعدم
اخترت ما أعيش في ندم
مادام كده، كده في آلم
ما هو مش معنى إني قبلت تفتري
مش منطق تبيعي وأشتري
نفسي بيطول لو أتغري
لكن جريني في طريق يتجري
رُب قشةٍ ضاق لها الصدرُ اتساعًا
فهوى كل شئٍ كحبات العقد تباعًا
من ساعتها بكابر وبكبت المشاعر
مضغوط من غير ضغوط؛ عشان بعافر
عشان صلب أبان كإن الصعب هان
كإن لوح التلج أنا مفيش جواه بركان
أنتي فضلتي تزيدي الحمل لآخر نفس فيا
واللي أجبرتيني إني أرسم شرخ في الخلفية
سيبتيني وسط وادي الموت ماسك في كوم حجارة
ورافع عملتين الرشوة لقائد العبارة
لو حياتك وقفت، كان الوضع اتغير
لكن سرعة شفاكي خليتني أبان صغير
مش قالوا "نور اليوم بيدخل من شروخ الأمس"
أدي الشروخ في كل سنتي، فين الشمس، هاه؟
أكيد جبت آخري لسبب
مفيش إحساس مالعدم
اخترت ما أعيش في ندم
مادام كده، كده في آلم
ما هو مش معنى إني قبلت تفتري
مش منطق تبيعي وأشتري
نفسي بيطول لو أتغري
لكن جريني في طريق يتجري
أكيد جبت آخري لسبب
مفيش إحساس مالعدم
اخترت ما أعيش في ندم
مادام كده، كده في آلم
ما هو مش معنى إني قبلت تفتري
مش منطق تبيعي وأشتري
نفسي بيطول لو أتغري
لكن جريني في طريق يتجري
في الأول والآخر ده نصيبنا
ارتاحنا وتعبنا، فرحنا وزعلنا
بعدنا ورجعنا، اشتاقنا وزهقنا
كان نفسي تبوش مشاكلنا
مالأول قولتلك "حياتي صعبة" قولتي "ميل"
حكيتلك عالحمل اللي شايله قولتي "معاك هشيل"
كنت فاكر إني لقيت الضهر وإني لقيت شريك
وما صدقتش إنه طُعم وأنا بتشد من المحيط
فجأة النفس يضيق فبنراجع نفسنا
يا دوب غمضنا لحظة، إزاي وصلنا هنا؟
يا دوب عدينا غلطة، ما عديناش كل ده
يا دوب طاطينا مرة، إزاي اتداسنا كده؟
فأنا بلومك من غضب أنا فيه
كنت شايف عندك أكتر عشاننا تعمليه
كنت شايف استهتارك باللي بيننا بيزيد
كنت شايف ورد بيدبل ورافضة تسقيه
أكيد جبت آخري لسبب
مفيش إحساس مالعدم
اخترت ما أعيش في ندم
مادام كده، كده في آلم
ما هو مش معنى إني قبلت تفتري
مش منطق تبيعي وأشتري
نفسي بيطول لو أتغري
لكن جريني في طريق يتجري
Written by:
