Konti

كانت بتمص مني كل مللي طاقه، وأنا على أمل

أصحى يوم ألاقيها حست، ألاقى حالها اتعدل

بالتدريج فقدت الأمل، كل اللي هيتعمل إتعمل

ما عادش عندي غير إنتي صح، عشان ما عدتش حمل جدل

كان سهل أسيبك بدري، لولا قلت سهل أسيبك

لو حالك ما إتعدلش، وما إتعدلش وخايف أسيبك

لأحسن أتوجع في البعد وجع ما استحملوش

فبقول وجع عارفينه أضمن من اللي ما نعرفوش

مش يمكن أسيبك أتعب، أضعف، أرجع، ترفضيني

أو تقبليني وإنتي عارفه إن إنتي إمتلكتيني

فأخسر حتى صرخة جبت أخري، وهى يا دوب

بتخليكي بعد سنين عجاف تروي عطشي يوم

يا ريتني كارهك إنتي، أنا كاره نفسي وأنا معاكي

كاره نفسي عشان حباكي، رافض نفسي عشان قابلاكي

ونفسي ييجي يوم وأكتفي، ييجي يوم وأختفي

نفسي أحط راسي على المخدة راضي عن موقفي

كنتي أول نمرة أحفظها، أول صوره في المحفظه

أول خوف هستيري لسبب زي إنك موبايلك فصل

أدمنت حضورك حتى لو هتنامي على السماعة

إكتشفت معاكي إن المكالمة بتفصل بعد ساعة

كنتي أول نمرة أحفظها، أول صوره في المحفظه

أول خوف هستيري لسبب زي إنك موبايلك فصل

أدمنت حضورك حتى لو هتنامي على السماعة

أكتشفت معاكي إن المكالمة بتفصل بعد ساعة

ما عادش فيا مكان لطعن، ما عادش لحاجه طعم

مجرد رفس الغطا، والقوم من على السرير بقى صعب

عدت سنة من يوم ما بعدنا، ولأجل ما أكون صريح

سنة تقلها ما يتوصفش، مهما أكون فصيح

تدريجياً كان بيموت إحساسي، لما عيني فضيت

عشت معاها بصفتي لوح إزاز، وكتر خيرها رضيت

ولسه بحكي عنك للحيطان وللطريق

ولسه العمر بيجري ولسه كل يوم بطيء

وكل ما ائن أفقد الأمل في كون الجرح يلم

فأقول مسيرها تزهق، هي تقول مسيري أحن

أنا في وضع ببذل فيه مجهود يسوء ما يتحسنش

ما أنا بتواجه إني مزيف، بنفجر مش عاجبك إمشي

أحلامنا كان مبالغ فيها ولا الواقع خاننا

العيب كان في إجاباتنا ولا العيب كان إمتحاننا

عزفنا على أوتار اللوم وعلى أوتار الأسف

نكره كل شيء مش كامل وإحنا مش كاملين للأسف

كنتي أول نمرة أحفظها، أول صوره في المحفظه

أول خوف هستيري لسبب زي إنك موبايلك فصل

أدمنت حضورك حتى لو هتنامي على السماعة

إكتشفت معاكي إن المكالمة بتفصل بعد ساعة

كنتي آخر نمرة أحفظها، آخر صوره في المحفظه

آخر خوف هستيري لسبب زي إنك موبايلك فصل

أدمنت حضورك حتى لو هتنامي على السماعة

إكتشفت معاكي إن المكالمة بتفصل بعد ساعة