Lyrics
بصي من ورا الستارة ع الناس اللي ماشية تحت
بيسجدوا لأصنام شبعوا فيها نحت
تعالي أعلمك إزاي أنا بنحت عمري ما أركع
أي حاجة حلوة في عينك اِكرهيها فورًا
ها، مش حاسة بتحسن عن من لحظة
على الأقل مفيش جزيرة هتعوميلها اصلًا
طيب اثبتي على كده أنتي مكانك هنا
مش هنعمل أي حاجة بلاش نعملهم على نفسنا
ما تطفيش النور عن مين هنداري اللي بنعمله؟
مش هنبقي في المستنقع ونجيب عطر نستنشقه
بصي لمنظرنا هاربانين من ضلمة لضلمة
أنتي وأنا عارفين كويس إن جهنم في إنتظارنا
ما بحطش إكليل فوق مساكن ميتين
يوم حسابنا مش هتداري، هتستخبوا يا كدابين
مريض بأحدث مرض نفسي هيكتشفوه ع الكوكب
مش هتلاقي أحسن مني ولا هتلاقي أسوء
مستني إننا هنقرب رغم كنا بنبعد أوي
مستني تقاطع تاني لخط مايل مع مستوي
أقصر طريق ما بيننا أقصر جزء فيه مُلتوي
أقوى شيء ربط ما بيننا كان في حياتنا شيء ثانوي
ابعد عنها شوية ما تمسكش فيها بضوفرك
اللي أنت بتتنفسه ده ثاني أكسيد كاربونها
بطل تدقق فيها وأنت صاحي وقت نومها
مش هتحس إنك سهرت حارس غطاها الليلة بطولها
هي عارفه إنك مريض هي حابه إنك مريض
هي فاهمة معني النظرة بس كارهه إنك صريح
جدف أنت وهي لحد وصولها بالسلامة
واِمشي من حياتها لكن سيبلها أنقاض كلامك
تعالي أعلمك إزاي أنا بجري عمري ما أنهج
شايفة أبعد نجم؟ أقرب حد مني أبعد
وبزيد البعد تزيد القوة يضعف نفسي أحس بذعر
يطول نفسي ومهما جوعت أزيح عن طرقي كل طُعم
ارمي فوق العرش التاج غيري برضو مش ملاك
أنا مرض بقول أنا مرض، هو مرض هيقول أنا علاج
بحطم الأصنام اللي أنتي عايشة بتعبديهم
عشان تتوبي مش تعمليلي واحد وتسجديله
مستني إننا هنقرب رغم كنا بنبعد أوي
مستني تقاطع تاني لخط مايل مع مستوي
أقصر طريق ما بينا أقصر جزء فيه مُلتوي
أقوى شيء ربط ما بيننا كان في حياتنا شيء ثانوي
Written by:
