Music Video
الجوكر - الضغط - توزيع مصطفى ابراهيم El Joker - El daght - Mostafa Ebrahim - Rap Beats Productions
Lyrics
شوفت في عشرين سنة حاجات محدش شافها
كنت باخد من الحياة القلم وأرجع أقبل آسفها
كنت طفل بعمل بالورق مراكب قبل ما أفهم
إن ورقتي أغلى من إستخدامها لصنع حاجة تافهة
شوفت في عشرين سنة حاجات محدش فيكوا شافها
كنت باخد من الحياة القلم وأرجع أقبل آسفها
كنت طفل بعمل بالورق مراكب قبل ما أفهم
إن ورقتي أغلى من إستخدامها لصنع حاجة تافهة
ارفع ورق التوت يا ابن آدم ما تداريش عورتك
العالم ما اتوسخش إلا بمغالطة فقة الرضا
كل كلمة في "الكام كلمة" وفي "الواقع" أنا كنت قاصدها
ما يعبنيش إن الجمهور مش فاهم لوحة بيبصلها
بحاول أعيد صيغة الإصلاح لكن بحروف دلوقتي
مش هطلع أقول صباح الخير وأغالط عقرب ساعتي
اللي مبناش نفسه يهدك، واللي ما اتزقش بيشدك
واللي مش لاقي إنتقاد موضوعي يفضل يستفزك
عايزين الضغط يخلق كره فيك كشخص
حاول يسد خانات النقص ف إتقابل بنوع من الرفض
ف تنسى كل يوم قضيته بتحاول تفك سلاسل فكرة
دي ناس بتعيش الدنيا، موت في سبيل تحسينها
ابن نوح غرق واللي مش ابن نوح ركب
كان الأولى يأيدوك مش يوسوسوا للي سمع
مش بهتم بالنهاردة هييجي يوم تشوفوا الصح
ما أنا هفضل أبني سفينتي حتى لو شربتوا البحر
اكسر آخر لمبة في أوضة ضلمة وقول مش أنا
ابعد قد ما تقدر، روح بلد مفيهاش مأذنة
الحق مش هيموت ولا في وجودك ولا في غيابي
من قبلي ودلوقتي ومن بعدي ناس هتنادي
ممكن يكون صوت الحقيقة مش مسموع ع الكوكب
أنا لو ما كنتش نوح ع الأقل كنت هركب
بعكسك تهمني الحقيقة تهمك نفسك
بس كون الواقع خلى الناس تدمع مكسب
رافض أبيعك أنت، بساعدك قبل ما أساعد نفسي
بتفنن في طلاء أظافر الإيد اللي كاتمة نفسي
لسه اللوحة مش واضحة، تكره جوكر تدريجيًا
أنت لسه في أول مرحلة من أمراضي النفسية
بحاول أفيدكوا بحاجة يا اللي ما فهمتوش تشبيهي
بلعن التسلية من خلال عمل ترفيهي
لو كانت الدنيا بخير عمري ما كنت أغني راب
عمري ما كنت أخاف أكتب محدش يقرا كلمة من الكتاب
"الواقع" مش كدبة، فتح قبل ما تغرق
لو رضيت عن نفسك تفسد أكتر ما أنت فاسد خلقة
طول عمري بكره الكوكب ده مش من الباب للطق
لأنه خلى كل حاجة فيا عكس زمان بالظبط
طول عمري وأنا صعبان عليا أشوف الناس مش فاهمة
أما الناس اللي فاهمة فاسدة، ف بتلعب بمستقبلها
مش عايز منك حاجة لو عايز هبيع دماغي
عايزك تتحسن وأنت عايزني أموت عشان طمعان في مكاني
بقيت بتغمى لما بقيت بخاف من النور
مهما أشوف الدنيا عتمة ده أهون من إني أشوف
إن الكدب ليه رجلين بيها ع الحقيقة يدوس
أنا سايب الدنيا ليكوا وداخل أحلم بالكابوس
سايب الدنيا ليكوا وداخل أحلم بالكابوس
سايب الدنيا ليكوا وداخل أحلم بالكابوس
Written by:
