Lyrics
حبيبتي، حافظي ع العهد اللي بيننا ودايمًا افتكريني
لو الليل حاوطك في يوم وما اتصلتش كلميني
ودعها وسافر، سنتين وأكتر بيعافر
18 ساعة شغل، وياكل أرخص شيء يتاكل
ويصبر نفسه بفكرة حوش أكتر، ترجع أسرع
ويوفر حتي السكن بإنه يبات مع أمن المصنع
وفي ليلة اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات
قال إيه بيهدد أمن الدولة ف بالطبع إتخفى
في سجن فيه كورسات تعذيب يومية ومكثفة
ما فادهمش بحاجة، وما احتاجوش دليل إدانة
علشان يرموه في زنزانة، لحد ما كل التحقيقات تتقفل
اترحل لبلده بعد عذاب 16 شهر
مش باقي من تحويشة عمره طبعًا إلا قهر
دخل علي أهله البيت الكل حضنه في نفس الوقت
أمه وسط دموعها قالت لأبوه: "أهو عايش أهو صدقت؟"
الحياة ممكن تتعبك والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهاية، كل شيء موجود لغاية
الشمس بتطلع كل يوم تقولك ابدأ تاني معايا
الحياة ممكن تتعبك والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهاية، كل شيء موجود لغاية
الشمس بتطلع كل يوم تقولك ابدأ تاني معايا
في عز ضحك الأهل سأل عن حبيبته سكتوا
الأب: "يا ابني كله اتخطي حزنه عليك بطريقته"
سأله بصدمة: "يعني إيه؟"، رد بعجز: "اتجوزت"
ثار وسأله: "ألاقيها فين؟"، رد: "اعقل، موضوعكوا خلص"
لفتره اكتئب بس لإنه مؤمن غلب
الإكتئاب بفكرة لو كانت ليا كنت اتجوزتها
وبدأ من جديد بطاقة أول مرة أشتغل
واستوعب بالتدريج إن النجاح وليد الفشل
من شغله بره كان اتعلم طرق إدارة مكن
استخدامه هنا يضاعف الإنتاج ويغطي التمن
عرض على إصحاب المصنع اللي اشتغل فيه فكرته
عجبتهم، نفذوها وعينوه مساعدهم
وأخيرًا الحظ ابتسمله في طريق اترسمله
علشان رضي بنصيبه وكان مخلص لله في عمله
وحقق أكتر من اللي حلم بيه، بيت وزوجة وولد
من غير ما يبقي في بلد وكل حاجة عارفها في بلد
الحياة ممكن تتعبك والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهاية، كل شيء موجود لغاية
الشمس بتطلع كل يوم تقولك ابدأ تاني معايا
الحياة ممكن تتعبك والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهاية، كل شيء موجود لغاية
الشمس بتطلع كل يوم تقولك ابدأ تاني معايا
ولا الدنيا سهلة ولا النجاح واقف يندهلك
العمر بيجرى ف ما ينفعش تعيشه على مهلك
ما دام أخلصت ارضى بأي حاجة جاتلك
ثق فى ربك، هو أدرى بالأفيدلك
ما حدش قال ولا الدنيا سهلة ولا النجاح واقف يندهلك
العمر بيجرى ف ما ينفعش تعيشه على مهلك
ما دام أخلصت ارضى بأي حاجة جاتلك
ثق فى ربك، هو أدرى بالأفيدلك
Written by:
