Lyrics
سيداتي، فلتكن أشجار أقلعها
لأصنع من سيقانها سفينة
تنقلني فى بحر الأحبار إلى كعبة قريش
لأضيف معلقتي الوحيدة
فاكرينها جملة ينطقوها يقوموا يخشوا الجنة
على كده بقالي بتقييمهم سبع سنين بتسلى
ما قولتش مش موجود، قولت إنهم كذبوا لما
من غير ما يشوفوه فى حاجة شهدوا على وجوده للعامة
علشان تعتنق دين زى الإسلام، معجزته كتاب
محتاج تدقق فيه، تتأكد إنه مليء بمعجزات
بعد كده أنت قادر، تشهد للعامة إن الخالق
أوحى بالكتاب ده للرسول كمرجع دين كامل
قولتلك تبدأ التفكير من أقوى عرض عرضه
مش تطلع أرنب أبيض من بورنيطة سوده برضه
في عصايا، في موناليزا، في طوفان، وفي سفينة
مش كل الجمل اللي إنت مش فاهمها نفس القيمة
الطريق اللي بيكوا بجريه، لازم بعدى تكملوه
كونكوا مغيرتوش إيقاعي ما ينفيش إنكوا بطئتوه
ما تقلقوش هسيب كفاية، محتاج عقول ضدى ومعايا
لولا إن التفسير إتطور كان زمانها خلاص مش آيه
رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فمعندوش من الدجال مناعة
هتلاقي فى سورة الكهف بس فصول من علم الساعة
الكل لازم يغرق الطوفان أنا اللي شربته
أنا آسف أنا أقل واحد فيهم أنت ساعدته
ده وحى شيطان الجحود، أنا أساعد أبرهة على إنه يتوب
آسف كنت ناسي إنه لو عجل فهما مش يهود
مؤمن بفكرة واحدة الحساب، ودي حاجة بتسمحلك تنام
فى أمان مدى ثقتك في كمال أو رحمة اللي أعتبرته إله
ده الكافر لقى نفسه في نقد كل كلمة إتقالت
أنت فى عالم وأنا في عالم وبيجمعنا عالم تالت
مجاش أمر شفوي، شعوري أبوي، إخترت اليدوي
أول مشبه به بييجي فى بالي عادة بدوى
الفكرة تبان لوهلة، صعبة رغم كونها سهلة
فكر، دول أغبياء وجهلة، دايمًا السما بتندهلك
إختيارات بمدى سوء ، طلب وعرض السوق
قادرة تغرق كوكب واللي زيي ينجى فى بطن حوت
يمكن ملحقش أقتلها دى تكهناتك أنت
شخص زيي عالأقل أكيد عارف هيموت إمتى
رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فمعندوش من الدجال مناعة
هتلاقي فى سورة الكهف بس فصول من علم الساعة
رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فمعندوش من الدجال مناعة
هتلاقي فى سورة الكهف بس فصول من علم الساعة
Written by:
