Medley: 咪當我老襯/佛跳牆/錢會繼續 (Live In Hong Kong)

(嘩好熱呀除衫先 喺我音樂生涯裏面呢影響我最深嘅有兩個人 一個就係我親生嘅爸爸啦父親啦許世昌先生 另外一位就係我嘅音樂啟蒙之父貓王Elvis Presley 佢我呢兩個老竇呢 佢哋喺無論思想啊 生活方式啊打扮啊樣樣都係兩個中西嘅極端啊 咁我就喺佢哋兩個嘅熏陶之下呢 就成為咗一個中西合璧嘅怪胎啊 所以今晚黑呢我想唱返幾首貓王嘅舊歌紀念佢逝世10周年 我用啲好廣東嘅歌詞嚟唱 OK你哋實啱聽嘅) 過下SHOW HAND啤癮 我博殺認真Kunk 你泵雞 冇要緊 最怕你出老千 想搵我笨 咪當我老襯 佢有舖偷雞癮 嚇到我週身震 博我冚 我最Mung 索性蘇曬冷 底牌要問 咪當我老襯 我自信最有賭品 夠曬斯文 撞正個鬥氣冤家 一於忍 忍 忍忍忍忍 四五揸起手震 博有啤好Mun 點知跌隻三 又派只二 送尾起隻煙添 認真夠運 咪當我老襯 咪當我老襯 咪當我老襯 襯 襯 襯 襯 襯 襯 襯 襯 襯 襯 襯 襯 咁啱又茶樓齊共上 良朋談動向 花彫Dep幾兩 閒來尋樂暢 叫煲佛跳牆(佛跳牆) 整得咁鬼香 計起呀完全唔系貴 翅肚能潤肺 鮑參炆光雞 髮菜同玉桂 配料落到齊(落到齊) 認真無得揮 肥佬黎 倒眼輝 潺仔威 軟腳龜 嚟擦啦喂 嘿 夾起呀連隨搽辣醬 確係怡神顏又養 一於搵手搶 完全唔異相 有福大家享(大家享) 駛乜咁緊張 成班友 一味啄 擒擒青 一味啄 唔怕肚漲 佛跳牆(佛跳牆) 整得咁鬼香 見到佛跳牆(佛跳牆) 鬼都要裝香 佛跳牆(佛跳牆) 整得咁鬼香 米貴(米貴) 冇乜問題 諗計(諗計) 咪懵懵閉 度掂(度掂) 就要發威 啲錢就會繼續嚟 冇米(冇米) 隻雞就啼 撞鬼(撞鬼) 咪巴巴閉 焗住(焗住) 就殺隻雞啦 啲錢係會繼續嚟 過節送禮立定例 水鬼陛隍靠老細 你咪猛呻命運滯 要打基礎抆紅毛泥 冇計(冇計) 咪鬼食泥 駛錢(駛錢) 當交水費 在下(在下) 奉勸各位 啲錢係會繼續嚟 啲錢係會繼續嚟 啲錢係會繼續嚟 老友咪個論地位 駛乜孤寒詐詐諦 駛得開心應該駛 死慳死抵 想人提攜呀 咪制(咪制) 你想入圍 冤鬼(冤鬼) 咪懶經濟 萬事(萬事) 係放遠睇 啲錢係會繼續嚟 啲錢係會繼續嚟 (錢錢錢錢) 啲錢係會繼續嚟 (錢錢錢錢) 啲錢係會繼續嚟 (錢錢錢錢 錢錢錢錢) Thank You Thank You