Act II Scene II : ‘Sí mo ghrá

RÍ THÍR NA nÓG

Sí mo ghrá. Mo mhíle stór arís ar fáil.

Mo chroí mar ghual do bhí im' lár, do bhíog go beo ar theacht dom' ghrá.

EITHNE

Sí séimh-gheal-ghnaoi mo mháthar go sámh arís do-chím!

NUALA

Gan léan, gan díth, gan tláthas ár bpáirt anois a choíche!

CEART

Do chéile aoibhinn álainn ar fáil do chír, a Rí!

RÍ THÍR NA nÓG

Mo chéad shearc bhí ar fán uaim atá ar ais lem' chroí! Goirim an laoch do bhris mo chumhacht, is thug mo stuaire dom arís.

Do thabharfainn duit anois gan dua, pé saibhir-dhuais is mian led' chroí.

EITHNE

Tabhair dó, a Rí, anois gan dua, mo ghrása i nduais a fhíor-mhaith-ghníomh.

NUALA

Tabhair dó, a Rí, anois gan dua, ár n-iníon uasal chaoin mar mhnaoi.

CEART

Tabhair dom, a Rí, anois gan dua, an iníon uasal seo i ndíol.

RÍ THÍR NA nÓG

Ó ní leat go fóill an duais seo, a dhea-laoich uasail úr-mhaith. Ní mór duit do chéile do bhuachaint le tréine i measc na ndaoine, ar nós na laochra, agus lucht an éada do chloí le h-éifeacht.

EITHNE

Tabhair dó, a Rí, anois gan dua, mo ghrása i nduais a fhíor-mhaith-ghníomh.

NUALA

Tabhair dó, a Rí, anois gan dua, ár n-iníon uasal chaoin mar mhnaoi.

CEART

Tabhair dom, a Rí, anois gan dua, an iníon uasal seo i ndíol.

EITHNE

Rachaidh mé arís ar thalamh na ndaoine. Fanfad go díl leat go mbeirir bua.

CEART

Seo mé arís ar an tóir ró-aoibhinn. Fansa go díl liom is béarad bua.

EITHNE NUALA RÍ THÍR NA nÓG

Ó!