Uitsig

So ver die oog kan sien oor die ver plato

Net oor die kruin van onbekende berge voor

Wag daar 'n landskap uitgelê waar ek blindelings kan glo

Waar die niks weergalm en ek my hartklop kan hoor

Kan ek hierdie uitsig vasvang

Teen my hart se mure ophang?

Want die vlamme vlam op teen my honger hart

En die son breek uit oor 'n donker land

Kan ek hierdie uitsig vasvang?

My oë verken die lyn van die horison

Kilometers ver breek 'n wolk kolom

Ek is deel van hierdie skepping van die water wind en grond

En die stilte nooi my om nog nader te kom

Kan ek hierdie uitsig vasvang

Teen my hart se mure ophang?

Want die vlamme vlam op teen my honger hart

En die son breek uit oor 'n donker land

Kan ek hierdie uitsig vasvang?

Gee my wilde hoop en vrye vers

Om kleure oor die lug te verf

Laat eenvoud my vryheid bewaar

Soos vingers teen die swaartekrag

In die oggend lug van dou voor dag

Styg ons uit, staan ons en staar

Kan ek hierdie uitsig vasvang

Teen my hart se mure ophang?

Want die vlamme vlam op teen my honger hart

En die son breek uit oor 'n donker land

Kan ek hierdie uitsig vasvang?