High (feat. Average , Hinterland , Kayo , Texta & Da Staummtisch)

Freistil

Des san kane Mutproben, i muass dazua sogn/

I kaunn hoit von den bunten Buchstobn nie gnuag hobn/

Owei hasst’s: „Reiß di amoi zaum!“/

Wei imma waunn die Aundan ihre Texte schreiben, schreib i nur mein Naum/

Es is unerklärlich und es gibt dafir kan Grund/

I hob die Dosn in da Haund und i genieß an jeden Schwung/

I kaunn nix dagegen tuan – wegn da Schmierarei/

Spreng i mittlerweile die Kartei von da Kiwarei/

Sie sogn sie nahn mi ei – die oide Litanei/

I hoits zaum und bin aus Maungel aun Beweisen wieda frei/

Wos isn scho dabei – i bin high von den Lösungsmitteln/

Und vom Fight um den Königstitel/

I moch mi auf die Sockn waunn du die schlofen legst/

Und hau mi daunn ins Bett waunn du in die Hockn gehst/

Du lebst dei Leben klakariert wie Schottenröck’/

I geh net den grodn Weg, oba du stoppst mi net/

Hook

I kriag einfoch nie genug von dir/

Und i gspier wieder die Sucht in mir/

Leben ohne di a Schuss ins Knia/

Jo es stimmt i werd so high waunn i di nimm/

Kayo

Wir steigen heier higher ois da Kurs vom Bitcoin/

Doch i bitt’ die um Koin, die vo mir Beats woin/

Kayo – hoit’s Level extrem hoch/

Wie high kaunn ma sei, mehr ois a Hai in Sharknado/

So high – vagiß Marihuana/ i zag da dei hechas Söbst wie a Glasl Ayahuasca/

Hochstapler, vergiß in Felix Baumgartner/

TTR – wir san echte Raumfohrer/

Roleee Solo

A koides Schi is die beste Therapie/

Ideal für mi und mei Philosophie/

Bier is Medizin, do muass i Stellung beziehn/

Die Rettung für die ersten 6 Semester in Wien/

Chemie is für die Fisch und mocht di hin/

Stimmen in meim Innan sogn do moch ma nimma mit/

Wern so high von dem Bier die Engal singan fier di/

Prost! Die Biere gengan auf mi/

Average

Komplett wach soboid i ham kum und die Luft do inhalier/

Du kriagst mi aussa aus da Stodt oba de Stodt nie mehr aus mir/

I brauch’s so wie a Tschicker seine Hiadl oda Bam/

I bin in Wien in ana Bim und schreib a Liadl für daham – 4020!/ Soboid i weg bin is ’s a koida Entzug/

Damits ma ned völlig dreckig geht, muass i boid wieda z’ruck/

Durch an Linzer Körper rinnt nu imma Stoihl stott Bluat/

I siag die Voest scho von da Weitn und merk ois wird guat/

Hook

I kriag einfoch nie genug von dir/

Und i gspier wieder die Sucht in mir/

Leben ohne di a Schuss ins Knia/

Jo es stimmt i werd so high waunn i di nimm/

Huckey

Kennt’s mi eh scho? Wissts ihr wer i bin?/

Nennt’s mi Huckey Serienking/

I spoilert olle afoch so, i sog eich wer am Ende gwinnt/

Varrot ois glei an jeden, ob er mog oder net/

Mir gaunz wuascht ob er daunn z’fruah waß wie am Schluss die Gschicht ausgeht/

I mog olles wos ’s so gibt, egal ob lustig oder spaunnend/

Wichtig is ’s, dass es a Sinn mocht, Spaß und Logik Haund in Haund geht/

I tauch o in a gaunz neiche Wöd, immer nu a bissal länger/

Mei gaunzes Leben is a Cliffhanger/

I bin süchtig noch Comedy, Drama, Action und Kochshows/

A fortgesetztes High, wei dagegen bin i mochtlos/

Es wird schlimmer und schlimmer, wos Spezialisten bekaunnt is/ Des is des Los von olle Serienjunkies/

Fuck this, Fakt is I kenn olles, olle Episoden/

Des is so sicher wie bei Walking Dead de Totn/

Und kummt noch ana Killer- moi a Fillerfolgn, drah ned o/

Bin süchtig noch dem Gesetz der Serie wie Murphy’s Law/