Nu turista va a mpazzì p' 'e sfugliatelle
Quanno Napule s'appiccia sotto 'e stelle
'O Vesuvio guarda e ride
Nu castello affaccia a mare
Nu scugnizzo appiso 'o tram se ne va .
Uocchie verdi tu che parle americano .
Sta na bancarella 'e l'acqua si vuò bevere .
Nun te mettere paura
Chella storia nun è overa
Sulamente 'o core se ponno piglià!!
Chesta città
Tene mille viche addo te può annasconnere
Fatte arrubbà
Viene cca fa anbresso curre 'e vire 'e scennere .
Chesta città
Tene ancora 'e 'nnammurate ca se sposano
Ma ll'amante ca se vonno nun se contano
E nun teneno 'o curaggio e se lassà .
Viene cca!!
Tagliammo 'a strada pe Furcella
Sta na vecchia fa 'na pizza ch' 'e na favola
Chistu vaso è chiù carnale
Si se sporca 'e pummarola
E nu preveto s' 'avota a' parte è 'llà.
Chesta città
Tene mille viche addo te può annasconnere
Fatte arrubbà
Viene cca fa anbresso curre 'e vire 'e scennere .
Chesta città
Tene ancora 'e 'nnammurate ca se sposano
Ma ll'amante ca se vonno nun se contano
E nun teneno 'o curaggio e se lassà .
Cchiù llà
Chistu vico spaccanapoli a mità!
'E guagliune ca tu vire 'e cammenà
Stanno tutti quante all'università .
Chesta città
Nun è chello ca te vonno raccuntà
So' meliune 'e brava gente ca faticano
Pecchè 'o male 'e tutto 'o munno
Nun sta cca!
