เกือบฮักแฟนเขา

ละเพิ่นมีแฟนแล้วซั่นบ่ คนรูปหล่อนิสัยดี ฝันเห็นเพิ่นมาหลายปี คึดฮอดฟรีแล้วตี้น้อง ละเคยมาเต๊าะมาต้องเป็นทำนองเกี้ยวผ่าน ตั๋วให้น้องฝันหวาน ได้บ่นานก็เซา มีคนเว้าดอกซาแซว โอ้ โอโอโอ ว่าอ้ายมีแฟนแล้ว แต่หากแซวมาตั๋วสาว ระวังไว้แนซุมเฮา พวกหมู่เขาโทรเตือนน้อง ใจแอบจอง แอบมองอ้ายมาตั้งนาน ย้ายมาทำงาน เทียวผ่านบ้านน้องประจำ ขับรถคันใหม่ หุ่นกะไค นิสัยก็งาม แวะมาเว้านำสองสามคำน้องจำติดใจ ผู้ชายอีหยังช่างมีเสน่ห์ ใจน้องเริ่มเซไปยืนข้าง เว้าอย่างบ่อาย อ้ายกะทรงคือ เฮ็ดนำน้องเหมือนคนมีใจ เทียวซื้อของฝากมาให้ จนใครก็แอบอิจฉา เลยเสียหน้า บัดมีคนมาบอกว่าอ้ายมีคู่ เลยเสียหน้า บัดมีคนมาบอกว่าอ้ายมีคู่ คนบ้านไกลนิสัยเจ้าชู้ ระวังไว้แนเด้อ ตกสะเพ้อบ่อยากเซื่อคำขาน แต่หลักฐานและพยานคนเห็นก็มัดจนมีเค้า เกือบมักแฟนเขา โถเรา เกือบมักแฟนเขา ตอนที่รู้ข่าวตกใจว้ามหน้าตาซีดเซียว กะจั๊กละน้อ เห็นแต่อ้ายไปมาคนเดียว นึกว่ายังโสดเพียว ๆ จึงยอมให้เกี้ยวใจเรา ถอนคำเว้าให้เซาเทียวมาสาอ้ายแฟนเพิ่น ถอนคำเว้าให้เซาเทียวมาสาอ้ายแฟนเพิ่น บอกเขาเมินแล้วหลอยนั่งเศร้าละเมอเว้าอยู่บ่วาย เพิ่นมีแฟนแล้วซั่นบ่ เพิ่นมีแฟนแล้วซั่นบ่ เทียวถามคำเก่า ในใจทุกข์ทนบ่พอ เทียวถามคำเก่าทุกข์ทนบ่พอ อกหักดังเป๊าะ รักเริ่มฝ่อก็พังหนอเรา แฟนเขาแล้วตัวเฮาคึดต่อ แฟนเขาแล้วตัวเฮาคึดต่อ เสียดายเด้เนาะพ้อเพิ่นซ้าไป นอนหายใจ คึดบ่ไรบ่แล้ว เป็นแป้วลบบ่หายทั้งเสียดายทั้งอายคนแซว แอบฮักแล้วจึงรู้ว่าแฟนมี คึดฮอดฟรี ๆ บ่มีลุ้นเอย