عوايد قديمة يا دغوش الأحلام
يا عمتي سليمة، رزق الله الأيام
رزق الله لما كنا وكان الخير بمعجنا
والجيرة تجي لعنا وبالخميرة نجود
ولما جدي بو أمين دين ذهباته العشرين
شعرة من الشارب تأمين، لا إمضاء ولا شهود
عوايد قديمة يا دغوش الأحلام
يا عمتي سليمة رزق الله الأيام
رزق الله خاله لخالي، بعرسه سبع ليالي
دبكة وطبل وقوالة وقيل وحضبة كباش
وعروس ما بدها ألماس بتتكحل ع ضو الكاز
الليلة بنودي الجهاز وع بكرة الـشوباك
عوايد قديمة يا دغوش الأحلام
يا عمتي سليمة رزق الله الأيام
يا سنين الماضي، يا سنين هاك الأيام الحلوين
كنا أكثر مبسوطين وشو مرتاح البال
والمونة بعد الغلة، تنده لي أمي تقلي
روحي ع العين وملي وما تحاكي رجال
عوايد قديمة، يا دغوش الأحلام
يا عمتي سليمة رزق الله الأيام
رزق الله لما كنا وكان الخير بمعجنا
والجيرة تجي لعنا وبالخميرة نجود
ولما جدي بو أمين دين ذهباته العشرين
شعرة من الشارب تأمين لا إمضاء ولا شهود
(عوايد قديمة) عوايد قديمة
(ورزق الله الأيام) ورزق الله الأيام
(ورزق الله الأيام) رزق الله الأيام
