Mohabbat Ka

یہ جو پلکوں پہ رم جھم ستاروں کا میلہ سا ہے یہ جو تیرے بنا کوئی اتنا اکیلا سا ہے زندگی تیری یادوں سے مہکا ہوا شہر ہے سب محبت کا اک پہر ہے سب محبت کا اک پہر ہے ساحلوں پہ گھروندے بنائے تھے ہم نے تمہیں یاد ہے رنگ بارش میں کیسے اڑائے تھے ہم نے تمہیں یاد ہے جانے کس کے لئے گھر سجائے تھے ہم نے تمہیں یاد ہے کوئی خوشبو کا جھونکا ادھر آ نکلتا کہیں گم ہے نیندوں کے صحرا میں خوابوں کا رستہ کہیں ہر خوشی آتے جاتے ہوئے وقت کی لہر ہے سب محبت کا اک پہر ہے سب محبت کا اک پہر ہے زندگی دھوپ چھاؤں کا ایک کھیل ہے بھیڑ چھٹتی نہیں اور اسی کھیل میں دن گزرتا نہیں رات کٹتی نہیں پیار کرتے ہوئے آدمی کی کبھی عمر گھٹتی نہیں دل کی دہلیز پر عکس روشن تیرے نام سے رت جگےآئینوں میں کھلے ہیں کہیں شام سے ایک دریا ہے چاروں طرف درمیاں لہر ہے سب محبت کا اک پہر ہے یہ جو پلکوں پہ رم جھم ستاروں کا میلہ سا ہے یہ جو تیرے بنا کوئی اتنا اکیلا سا ہے زندگی تیری یادوں سے مہکا ہوا شہر ہے سب محبت کا اک پہر ہے سب محبت کا اک پہر ہے