همي مصاحبني

انا خدت عالاحزان

وحاسس باني هموت

وصعب عليا انام

تعبت تملي ف ضغوط

وامتا يادنيا تحني ؟

بقالي كتير مش سليم

ودمعي مصمم يزورني

وتايه وقلبي حزين

تملي وحيده يانفسي

مفيش غيرك اللي حاببني

بعيط وهمي مصاحبني

وليه بس حد يجاوبني ؟

ليالي ف حيره ومقاسي

غريب وسط اهلي وناسي

مفيش حد جمبي يواسي

زقوني المر ف كاسي

العيب يارب في مين

فيا ولا ف طيبتي

ولا ف كل الخاينين

اللي كسروا ف قلبي

بعيط ف اوضتي حزين

وقافل بابي عليا

بتخبط جراح السنين

وبفتح ليها بايديا

وجع + كسره وحيره

مصره الحياه اللعينه

تزعل قلوبنا الجميله

والضحكه ليه مستحيله

كابوس كل يوم في المنام

يجيلي ف اعيط اوام

انا مش سليم مش تمام

وعايش ف حزن والام

انا الذي كلوا اذاه

انا اللي كرهت الحياه

وتايه ف ميت اتجاه

ومش لاقي مركب نجاه

اديتهم عنيا بكيت

اديتهم حياتي اتأذيت

فاكرهم سند وبيت

رموني ف وسط معاناه

تملي وحيده يانفسي

مفيش غيرك اللي حاببني

بعيط وهمي مصاحبني

وليه بس حد يجاوبني ؟

ليالي ف حيره ومقاسي

غريب وسط اهلي وناسي

مفيش حد جمبي يواسي

زقوني المر ف كاسي